ലോകകപ്പ് നേട്ടത്തോടെ വിരാട് കോഹ്ലി അന്താരാഷ്ട്ര ടി20യില് നിന്നു വിരമിക്കല് പ്രഖ്യാപിച്ചു. ഏകദിന ലോകകപ്പിനൊപ്പം കരിയറില് ഇനി ടി20 ലോകകപ്പിന്റെ തിളക്കവും.
125 ടി20 മത്സരങ്ങളാണ് താരം ഇന്ത്യക്കായി കളിച്ചത്. 4188 റണ്സ്. ഒരു സെഞ്ച്വറിയും 38 അര്ധ സെഞ്ച്വറികളും. പുറത്താകാതെ നേടിയ 122 റണ്സാണ് ഉയര്ന്ന സ്കോര്. 137.04 ആണ് സ്ട്രൈക്ക് റേറ്റ്.
അന്താരാഷ്ട്ര ടി20യില് ഏറ്റവും കൂടുതല് അര്ധ സെഞ്ച്വറികള് നേടിയ താരമാണ് കോഹ്ലി 38 അര്ധ സെഞ്ച്വറികളാണ് താരം നേടിയത്.
അന്താരാഷ്ട്ര ടി20യില് ഏറ്റവും വേഗത്തില് 3500 റണ്സ് നേടിയ താരത്തിനുള്ള റെക്കോര്ഡ് കോഹ്ലിയുടെ പേരിലാണ്. 96 ഇന്നിങ്സുകളില് നിന്നാണ് നേട്ടം.
81 ഇന്നിങ്സുകളില് നിന്നു കോഹ്ലി നേടിയത് 3000 റണ്സ്. ഈ റെക്കോര്ഡില് രണ്ടാമന്. 2500, 2000 റണ്സുകള് ഏറ്റവും വേഗം നേടിയ താരങ്ങളുടെ പട്ടികയില് കോഹ്ലി മൂന്നാമത്. യഥാക്രമം 68, 56 മത്സരങ്ങളില് നിന്നാണ് നേട്ടം.
അന്താരാഷ്ട്ര ടി20യില് ഏറ്റവും കൂടുതല് റണ്സെടുത്ത താരങ്ങളുടെ പട്ടികയില് കോഹ്ലി രണ്ടാം സ്ഥാനത്ത് നില്ക്കുന്നു. ഒരു കലണ്ടര് വര്ഷം ഏറ്റവും കൂടുതല് റണ്സ് ടി20യില് കണ്ടെത്തിയ താരങ്ങളുടെ പട്ടികയില് കോഹ്ലി ആറാമന്. 731 റണ്സ് അടിച്ചതാണ് നേട്ടം.
2010 ജൂണ് 12നു ഹരാരെയില് സിംബാബ്വെക്കെതിരെയാണ് ഇന്ത്യക്കായി കോഹ്ലി ടി20യില് അരങ്ങേറിയത്. ആദ്യ പോരാട്ടത്തില് 21 പന്തില് മൂന്ന് ഫോറും ഒരു സിക്സും സഹിതം 26 റണ്സെടുത്തു പുറത്താകാതെ നിന്നു യൂസുഫ് പഠാനൊപ്പം താരം ഇന്ത്യയെ വിജയത്തിലെത്തിച്ചു. വിരമിക്കല് പോരാട്ടത്തില് 76 റണ്സെടുത്ത് ടീമിനെ ലോക കിരീടത്തിലേക്കും നയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates