ന്യൂഡല്‍ഹി: ഇന്ത്യയുടെ റിവ്യുകള്‍ നഷ്ടപ്പെടുത്തിയതിന് പിന്നാലെ മുഹമ്മദ് സിറാജിനെ ട്രോളി വസീം ജാഫര്‍. ഡിആര്‍എസിന് പുതിയ നിര്‍വചനം നല്‍കിയാണ് വസീം ജാഫറുടെ ട്വീറ്റ്. 

'ഡിആര്‍എസ്: റിവ്യു ചെയ്യല്ലേ സിറാജേ' എന്നാണെന്നാണ് വസീം ജാഫര്‍ പറയുന്നത്. ലോര്‍ഡ്‌സ് ടെസ്റ്റില്‍ ഇംഗ്ലണ്ടിന്റെ ഒന്നാം ഇന്നിങ്‌സില്‍ രണ്ട് റിവ്യു എടുക്കാന്‍ സിറാജ് കോഹ്‌ലിയെ നിര്‍ബന്ധിച്ചിരുന്നു.

മനസില്ലാ മനസോടെയാണ് കോഹ് ലി റിവ്യു എടുത്തത്. എന്നാല്‍ രണ്ട് റിവ്യുയിലും ഇംഗ്ലണ്ടിന് അനുകൂലമായാണ് ഫലം വന്നത്. ഇംഗ്ലണ്ട് ക്യാപ്റ്റന്‍ ജോ റൂട്ടിനെ മടക്കാനുള്ള തിടുക്കമാണ് ഇന്ത്യയുടെ റിവ്യു നഷ്ടത്തിലേക്ക് വഴി വെച്ചത്.