ഗുവാഹത്തി: മധ്യ ഓവറുകളില് റണ്സ് എടുക്കുന്നതില് സംഭവിച്ച വേഗക്കുറവാണ് പഞ്ചാബ് കിങ്സിനെതിരായ നേരിയ റണ്സിന്റെ തോല്വിക്ക് കാരണമെന്ന് രാജസ്ഥാന് റോയല്സ് ക്യാപ്റ്റന് സഞ്ജു സാംസണ്. അവസാന പന്ത് വരെ ആവേശം നിറഞ്ഞ പോരാട്ടത്തില് സാം കറന് എറിഞ്ഞ അവസാന ഓവറാണ് കളി പഞ്ചാബിന്റെ വരുതിയില് നിര്ത്തിയത്.
'ഞങ്ങള് മികച്ച രീതിയിലാണ് തുടങ്ങിയത്. പവര് പ്ലേ നല്ല രീതിയില് അവസാനിപ്പിക്കാനും സാധിച്ചു. എന്നാല് മധ്യ ഓവറുകളില് പ്രതീക്ഷിച്ച പോലെ ബൗണ്ടറികള് നേടാന് ടീമിന് സാധിച്ചില്ല. പഞ്ചാബ് മികച്ച രീതിയില് പന്തെറിഞ്ഞു. ഇതാണ് മത്സരത്തില് ടീം താഴെ പോകാന് കാരണം. റണ് റേറ്റ് ഇടിഞ്ഞിട്ടും വിജയത്തിന് തൊട്ടരികിലെത്താന് ഞങ്ങള്ക്ക് സാധിച്ചു. ഒറ്റ സിക്സിന്റെ ആവശ്യമേ ഉണ്ടായിരുന്നുള്ളു. പക്ഷേ ഞങ്ങള് വീണു പോയി.'
ബട്ലര്ക്ക് പകരം രാജസ്ഥാന് ആര് അശ്വിനെ ഓപ്പണറാക്കിയത് അമ്പരപ്പിച്ചിരുന്നു. എന്നാല് അതിന് കാരണമുണ്ടെന്ന് വ്യക്താക്കുകയാണ് സഞ്ജു.
'ജോസ് ബട്ലര്ക്ക് ക്യാച്ചെടുത്തപ്പോള് കൈവിരലിന് പരിക്കേറ്റിരുന്നു. അദ്ദേഹത്തിന്റെ വരലിന് സ്റ്റിച്ചിടാന് കുറച്ചു സമയം വേണമെന്ന് ഫിസിയോ വ്യക്തമാക്കി. ഇതോടെയാണ് ബട്ലര്ക്ക് പകരം അശ്വിനെ കളത്തിലിറക്കിയത്.'
ആവേശപ്പോരാട്ടത്തില് അഞ്ച് റണ്സിനാണ് പഞ്ചാബ് രാജസ്ഥാനെ വീഴ്ത്തിയത്. ആദ്യം ബാറ്റ് ചെയ് പഞ്ചാബ് നിശ്ചിത ഓവറില് നാല് വിക്കറ്റ് നഷ്ടത്തില് 197 റണ്സെടുത്തപ്പോള് രാജസ്ഥാന്റെ പോരാട്ടം ഏഴ് വിക്കറ്റ് നഷ്ടത്തില് 192 റണ്സില് അവസാനിച്ചു.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates