ബോര്‍ഡര്‍ ഗാവസ്‌കര്‍ ട്രോഫിയില്‍ നാല് മത്സരങ്ങള്‍ തോറ്റാല്‍ ഇന്ത്യയുടെ ലോക ടെസ്റ്റ് ചാംപ്യന്‍ഷിപ്പ് ഫൈനല്‍ മോഹങ്ങള്‍ അവസാനിക്കും
ന്യൂസിലന്‍ഡിനെതിരെയുള്ള പരമ്പരയില്‍ 3-0 ന് ഇന്ത്യ തോറ്റിരുന്നു. അതിനാല്‍ ബോര്‍ഡര്‍ ഗാവസ്‌കര്‍ ട്രോഫിയില്‍ ഓസീസിനോട് നാല് മത്സരങ്ങളെങ്കിലും ഇന്ത്യയ്ക്ക് ജയിക്കണം. എന്നാല്‍ ഈ പരമ്പര നഷ്ടപ്പെട്ടാല്‍ ഇന്ത്യയുടെ ഫൈനല്‍ പ്രതീക്ഷകള്‍ അവസാനിക്കുമോ?
പരമ്പരയില്‍ നാല് മത്സരങ്ങള്‍ തോറ്റാല്‍ ഇന്ത്യയുടെ ലോക ടെസ്റ്റ് ചാംപ്യന്‍ഷിപ്പ് ഫൈനല്‍ മോഹങ്ങള്‍ അവസാനിക്കും. നാല് മത്സരങ്ങള്‍ നടന്നാല്‍ ഒരു മത്സരം ജയിക്കുകയോ അല്ലെങ്കില്‍ മൂന്നോ രണ്ടോ മത്സരങ്ങളില്‍ നിന്നും ഒന്നും ജയിക്കാതെ വന്നാലോ ന്യൂസിലന്‍ഡ്- ഇംഗ്ലണ്ട് ടെസ്റ്റ് പരമ്പര ഫലങ്ങള്‍ ആശ്രയിച്ചിരിക്കും ഇന്ത്യയുടെ ഭാവി.
ഇംഗ്ലണ്ട് 2-0,3-0, എന്നിങ്ങനെ ന്യൂസിലന്‍ഡിനെ പരാജയപ്പെടുത്തുകയോ, പാകിസ്ഥാന്‍- 2-0 ന് സൗത്താഫ്രിക്കയെ പരാജയപ്പെടുത്തുകയോ, ശ്രീലങ്കയെ ഓസ്‌ട്രേലിയ 2-0ന് പരാജപ്പെടുത്തുകയും വേണം. മാത്രമല്ല സൗത്താഫ്രിക്ക - ശ്രീലങ്ക മത്സരം സമനിലയില്‍ കലാശിക്കുകയും വേണം
ഇനി ഓസ്‌ട്രേലിയ- ഇന്ത്യ പരമ്പര 2-3 ന് അവസാനിച്ചാല്‍ ഇംഗ്ലണ്ടിനെതിരെ ന്യൂസിലന്‍ഡ് ഒരു മത്സരം മാത്രം ജയിക്കുകയും. ശ്രീലങ്കയും സൗത്താഫ്രിക്കയും അവരുടെ ശേഷിക്കുന്ന നാല് മത്സരങ്ങള്‍ രണ്ടെണ്ണം തോല്‍ക്കണം.
ബോര്‍ഡര്‍ ഗാവസ്‌കര്‍ 2-2 ന് ആണ് അവസാനിക്കുന്നതെങ്കില്‍ ന്യൂസിലന്‍ഡ് ഇംഗ്ലണ്ടിനെതിരെ ഒരു മത്സരത്തില്‍ കൂടുതല്‍ ജയിക്കാന്‍ പാടില്ല. കൂടാതെ ഓസ്‌ട്രേലിയക്കെതിരെയുള്ള രണ്ട് മത്സരങ്ങളടങ്ങുന്ന പരമ്പരയില്‍ ശ്രീലങ്ക ജയിക്കുകയും വേണം
ബോര്‍ഡര്‍ ഗാവസ്‌കര്‍ ട്രോഫിയില്‍ നാല് മത്സരങ്ങള്‍ തോറ്റാല്‍ ടെസ്റ്റ് ചാംപ്യന്‍ഷിപ്പ് ഫൈനലില്‍ ഇന്ത്യ പുറത്താകും. ഇനി രണ്ടോ മൂന്നോ മത്സരങ്ങള്‍ തോറ്റാലോ ഇന്ത്യയില്‍ നിന്ന് കാര്യങ്ങള്‍ കൈവിട്ടു പോകും. ചുരുക്കത്തില്‍ ഓസീസ് മണ്ണില്‍ ഇന്ത്യ മികച്ച പ്രകടനം തന്നെ പുറത്തെടുക്കണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates