അഹമ്മദാബാദ്: ലോകകപ്പ് പോരിനിറങ്ങുന്ന ന്യൂസിലന്ഡിനു തുടക്കത്തില് തന്നെ തിരിച്ചടി. ഉദ്ഘാടന മത്സരത്തില് നായകന് കെയ്ന് വില്ല്യംസന് കളിക്കില്ല. പകരം ടോം ലാതമായിരിക്കും ന്യൂസിലന്ഡിനെ നയിക്കുക.
2019ലെ ഫൈനല് പോരാട്ടത്തിന്റെ ആവര്ത്തനമാണ് ആദ്യ മത്സരം. ഒക്ടോബര് അഞ്ചിലെ ഉദ്ഘാടന പോരാട്ടത്തില് നിലവിലെ ചാമ്പ്യന്മാരായ ഇംഗ്ലണ്ടാണ് രണ്ടാം സ്ഥാനക്കാരായ ന്യൂസിലന്ഡിന്റെ എതിരാളികള്.
പരിക്കിനെ തുടര്ന്നു മാസങ്ങളായി കളത്തില് നിന്നു വിട്ടുനില്ക്കുന്ന വില്ല്യംസന് ഈയിടെയാണ് ഫിറ്റ്നസ് വീണ്ടെടുത്തത്. എന്നാല് ഇപ്പോഴും പരിക്കിന്റെ പ്രശ്നങ്ങള് നേരിയ തോതില് താരത്തെ അലട്ടുന്നുണ്ട്.
ഇന്ന് നടക്കുന്ന പാകിസ്ഥാനെതിരായ സന്നാഹ മത്സരത്തില് വില്ല്യംസന് സ്പെഷലിസ്റ്റ് ബാറ്ററായി കളിക്കും. തിങ്കളാഴ്ച തിരുവനന്തപുരത്ത് ദക്ഷിണാഫ്രിക്കക്കെതിരായ സന്നാഹ മത്സരത്തില് താരം ബാറ്റിങിനും ഫീല്ഡിങിനും ഇറങ്ങും.
അതിനു ശേഷം ലോകകപ്പിലെ ആദ്യ പോരില് താരത്തിനു വിശ്രമം അനുവദിക്കും. പിന്നീടുള്ള മത്സരങ്ങളില് പൂര്ണ ആരോഗ്യവാനായി കളിക്കാന് അവസരമൊരുക്കുകയാണ് ടീമിന്റെ പദ്ധതി.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates