ദുബായ്: വനിതാ ടി20 ലോകകപ്പില് ദക്ഷിണാഫ്രിക്കന് വനിതകള്ക്ക് മുന്നില് 119 റണ്സ് വിജയ ലക്ഷ്യം വച്ച് വെസ്റ്റ് ഇന്ഡീസ്. ആദ്യം ബാറ്റ് ചെയ്ത വിന്ഡീസ് വനിതകള് നിശ്ചിത ഓവറില് 6 വിക്കറ്റ് നഷ്ടത്തില് 118 റണ്സാണ് കണ്ടെത്തിയത്.
ടോസ് നേടി ദക്ഷിണാഫ്രിക്ക ബൗളിങ് തിരഞ്ഞെടുക്കുകയായിരുന്നു. ബാറ്റിങിനു ഇറങ്ങിയ വിന്ഡീസിനായി സൂപ്പര് താരം സ്റ്റഫാനി ടെയ്ലര് ക്രീസില് ഉറച്ചു നിന്നു പൊരുതി. താരം 41 പന്തില് രണ്ട് ഫോറും ഒരു സിക്സും സഹിതം 44 റണ്സെടുത്ത് പുറത്താകാതെ നിന്നു.
ഷെമൈന് കാംപെല് (17), സയ്ദ ജെയിംസ് (പുറത്താകാതെ 15), ഡിയേന്ദ്ര ഡോട്ടിന് (13), ക്യാപ്റ്റന് ഹെയ്ലി മാത്യൂസ് (10) എന്നിവരാണ് രണ്ടക്കം കടന്ന മറ്റുള്ളവര്.
4 വിക്കറ്റുകള് വീഴ്ത്തിയ നോന്കുലുലേക മ്ലാബയുടെ ബൗളിങാണ് വിന്ഡീസിനെ 118ല് ഒതുക്കിയത്. മരിസന് കാപിനാണ് ശേഷിച്ച രണ്ട് വിക്കറ്റുകള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates