അഹമ്മദാബാദ്: പരിക്ക് വലയ്ക്കുന്ന ശ്രീലങ്കന്‍ ടീം വെറ്ററന്‍ ഓള്‍ റൗണ്ടര്‍ ആഞ്ജലോ മാത്യൂസ്, പേസര്‍ ദുഷ്മന്ത ചമീര എന്നിവരെ ലോകകപ്പ് ടീമിലെ ട്രാവലിങ് റിസര്‍വ് താരങ്ങളായി ഉള്‍പ്പെടുത്തി. ഇരുവരും നാളെ ഇന്ത്യയിലെത്തി ടീമിനൊപ്പം ചേരും.
ലോകകപ്പില്‍ പത്ത് ടീമുകളും മൂന്ന് മത്സരങ്ങള്‍ പൂര്‍ത്തിയാക്കിയപ്പോള്‍ ഒരു വിജയവും ഇല്ലാത്ത ഏക ടീം ശ്രീലങ്കയാണ്. മൂന്നില്‍ മൂന്നും തോറ്റ് അവസാന സ്ഥാനത്താണ് അവര്‍. അടുത്ത ഘട്ടത്തിലേക്ക് കടക്കാന്‍ ഇനിയുള്ള ആറ് മത്സരങ്ങളും വിജയിക്കാതെ മറ്റൊരു വഴിയും അവര്‍ക്ക് മുന്നില്‍ ഇല്ല.
ലോകകപ്പിനു തൊട്ടു മുന്‍പാണ് അവരുടെ സ്റ്റാര്‍ സ്പിന്നര്‍ വാനിന്ദു ഹസരങ്ക പരിക്കേറ്റ് പുറാത്തായത്. ലോകകപ്പ് മത്സരങ്ങള്‍ തുടങ്ങി രണ്ടാം പോരാട്ടത്തിനു പിന്നാലെ അവരുടെ നായകന്‍ ദസുന്‍ ഷനകയും പരിക്കേറ്റ് പുറത്തായത്. അതിനിടെ അവരുടെ യുവ ഫാസ്റ്റ് ബൗളര്‍ മതീഷ പതിരനയും പരിക്കേറ്റു നില്‍ക്കുന്നത് അവര്‍ക്ക് വന്‍ തിരിച്ചയായി നില്‍ക്കുന്ന പശ്ചാത്തലത്തിലാണ് പുതിയ നീക്കം.
ദുഷ്മന്ത ചമീരയ്ക്ക് ലോകകപ്പ് ടീം പ്രഖ്യാപനത്തിനു തൊട്ടു മുന്‍പ് പരിക്കേറ്റിരുന്നു. ഇതോടെ താരത്തെ ടീമില്‍ ഉള്‍പ്പെടുത്തിയില്ല. പരിക്കുകള്‍ വീണ്ടും വേവലാതി ഉയര്‍ത്തുന്നതിനിടെ ചമീര പരിക്കു മാറി പരിശീലനം പുനരാരംഭിച്ചു. പിന്നാലെയാണ് താരത്തെ ട്രാവലിങ് റിസര്‍വായി ടീമിലെത്തിച്ചത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates