സെവാഗിന്റെ ട്വീറ്റ് എത്തിയാല്‍ അവിടെ കൗതുകം നിറച്ച് എന്തെങ്കിലുമുണ്ടാവും എന്ന് ആരാധകര്‍ക്ക് ഉറപ്പാണ്. ഇപ്പോഴിതാ, ഡോഗ് ഡേയിലെ സെവാഗിന്റെ ട്വീറ്റാണ് ആരാധകര്‍ക്കിടയില്‍ വൈറലാവുന്നത്. 

കുഞ്ഞ് നായ കുട്ടിയെ കുളിപ്പിക്കുന്ന വീഡിയോയാണ് സെവാഗ് പങ്കുവെച്ചത്. ഒപ്പം, ട്രോളര്‍മാരെ വെല്ലുന്ന ഒരു തലക്കെട്ടും. ബൗളര്‍മാരെ കഴുകുന്നതില്‍ നിന്ന് വിരമിച്ച ശേഷം ഇപ്പോള്‍ നായ്കുഞ്ഞിനെ കുളിപ്പിക്കുന്നു എന്നാണ് സെവാഗ് കുറിച്ചത്. 

ആഗസ്റ്റ് 26നായിരുന്നു ലോക നായ ദിനം. സമൂഹമാധ്യമങ്ങളില്‍ തങ്ങളുടെ നായകളുമായി ഏവരും നിറഞ്ഞപ്പോഴാണ് അക്കൂട്ടത്തിലേക്ക് ഇന്ത്യയുടെ മുന്‍ വെടിക്കെട്ട് ഓപ്പണറുമെത്തിയത്.