ലണ്ടന്‍: അയര്‍ലന്റ്, അഫ്ഗാനിസ്ഥാന്‍ എന്നീ രാജ്യങ്ങള്‍ക്ക് ടെസ്റ്റ് പദവി നല്‍കാന്‍ ഐസിസി തീരുമാനം. അന്താരാഷ്ട്ര ക്രിക്കറ്റ് സമിതിയില്‍ ഫുള്‍ മെംബര്‍ഷിപ്പ് ലഭിച്ചതോടെയാണ് ഈ രാജ്യങ്ങള്‍ ദീര്‍ഘകാലമായി ആവശ്യപ്പെട്ടിരുന്ന ടെസ്റ്റ് പദവി ലഭിച്ചത്.
ലണ്ടനില്‍ നടന്ന ഐസിസി വാര്‍ഷിക യോഗത്തിലാണ് പുതിയ രണ്ട് രാജ്യങ്ങള്‍ക്കു കൂടി ടെസ്റ്റ് പദവി നല്‍കാന്‍ തീരുമാനച്ചത്. ഇതോടെ മൊത്തം ടെസ്റ്റ് പദവിയുള്ള രാജ്യങ്ങളുടെ എണ്ണം പത്തില്‍ നിന്നും 12ആയി ഉയര്‍ന്നു.
1993 മുതല്‍ ഐസിസിയില്‍ അംഗത്വമുള്ള അയര്‍ലന്റ് പാക്കിസ്ഥാന്‍, ഇംഗ്ലണ്ട്, വെസ്റ്റിന്‍ഡീസ് തുടങ്ങിയ ടീമുകളെ പരാജയപ്പെടുത്തി ശ്രദ്ധ പിടിച്ചുറ്റിയിരുന്നു. അതേസമയം, 2013ലാണ് അഫ്ഗാന് ഐസിസി അംഗത്വം നല്‍കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates