ലണ്ടൻ: അഭ്യൂഹങ്ങൾക്കും ആകാംക്ഷകൾക്കും വിരാമം. ഒടുവിൽ ആ ഓറഞ്ച് ജേഴ്സി എങ്ങനെയാണെന്ന് നൈക്കി വെളിപ്പെടുത്തി. ഇം​ഗ്ലണ്ടിനെതിരെ ടീം ഇന്ത്യയുടെ ഏവേ ജേഴ്സിയുടെ ഡിസൈൻ നിർമാതാക്കളായ നൈക്കി പുറത്തുവിട്ടു. 

ആതിഥേയരായ ഇം​ഗ്ലണ്ടിന്റെ നീല ജേഴ്സിയുമായി സാദൃശ്യം തോന്നാതിരിക്കാൻ ഇന്ത്യ ഓറഞ്ച് നിറത്തിലുള്ള ജേഴ്സി ധരിക്കുമെന്ന് നേരത്തെ തന്നെ വാർത്തകൾ വന്നിരുന്നു. എന്നാൽ ഡിസൈൻ സംബന്ധിച്ച് അഭ്യൂ​ഹങ്ങൾ തുടരുകയായിരുന്നു. പിന്നിൽ മുഴുവനായും ഓഞ്ച് നിറമാണ്. അതേസമയം മുൻഭാ​ഗത്തും കോളറിലും കടും നീല നിറമാണ് ജേഴ്സിക്ക് നൽകിയിരിക്കുന്നത്. കളിക്കാർക്ക് അനായാസമായ ചലന സ്വാതന്ത്യം നൽകുന്നതാണ് ഓറഞ്ച് ജേഴ്സി. 

തിരഞ്ഞെടുത്ത നൈക്കി ഷോറൂമുകളിലും മിന്ത്ര, ജബോങ് ഓൺലൈൻ ഷോറൂമുകളിലും എവേ ജേഴ്സി ഇന്ന് മുതൽ വിൽപ്പനയ്ക്കുണ്ട്.