ഏഷ്യാ കപ്പിലെ സൂപ്പര്‍ ഫോര്‍ പോരില്‍ ടോസ് നേടി അഫ്ഗാനിസ്ഥാന്‍ ബാറ്റിങ് തിരഞ്ഞെടുത്തു. ഫൈനല്‍ ഉറപ്പിച്ച ഇന്ത്യയ്ക്ക് അഫ്ഗാനിസ്ഥാനെതിരായ കളി ടീമില്‍ പരീക്ഷണങ്ങള്‍ നടത്തുന്നതിനുള്ള അവസരമാണ്.
ഏഷ്യാ കപ്പിലെ അവസാന സൂപ്പര്‍ ഫോര്‍ മത്സരത്തിന് ഇറങ്ങുമ്പോള്‍
ധോനിയാണ് ഇന്ത്യയെ നയിക്കുന്നത്. ടോസ് ഇടാന്‍ ഇന്ത്യയ്ക്ക് വേണ്ടി ധോനി ഇറങ്ങിയതോടെയാണ് വീണ്ടും നായക വേഷത്തില്‍ ആരാധകര്‍ക്ക് ധോനിയെ കാണാനായത്. ധോനി ഇന്ത്യയെ നയിക്കുന്ന ഇരുന്നൂറാം ഏകദിനമാണ് ഇത്.
ചെന്നൈ സൂപ്പര്‍ കിങ്‌സ് താരം ദീപക് ചഹറിനെ ഇന്ത്യ പ്ലേയിങ് ഇലവനില്‍ ഉള്‍പ്പെടുത്തി. ധോനിയാണ് ചഹലിന് ക്യാപ് നല്‍കിയത്. ഹര്‍ദിക്കിന് പരിക്ക് പറ്റിയതിന് പിന്നാലെ ചഹറിനെ ടീമിലേക്ക് വിളിക്കുകയായിരുന്നു. അഞ്ച് മാറ്റങ്ങളുമായിട്ടാണ് ഇന്ത്യ ഇന്ന് ഇറങ്ങുന്നത്.
രോഹിത് ശര്‍മ, ശിഖര്‍ ധവാന്‍, ചഹല്‍, ഭുവി, ഭൂമ്ര എന്നിവര്‍ക്ക് വിശ്രമം നല്‍കി. കെ.എല്‍.രാഹുല്‍, മനീഷ് പാണ്ഡേ, ദീപക് ചഹര്‍, സിദ്ധാര്‍ഥ് കൗള്‍, ഖലീല്‍ അഹ്മദ് എന്നിവര്‍ പ്ലേയിങ് ഇലവനിലേക്കെത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates