സതാംപ്ടണ്: കോവിഡിനെ അതിജീവിച്ച് ക്രിക്കറ്റ് എത്തിയപ്പോള് മൂടിക്കെട്ടിയ അന്തരീക്ഷം വില്ലനായി. അക്ഷമയോടെ കാത്തിരിക്കുന്ന ആരാധകരോട് കാലാവസ്ഥയും ദയ കാണിച്ചില്ല. ഇംഗ്ലണ്ട്-വിന്ഡിസ് ടെസ്റ്റ് പരമ്പരയിലെ ടോസ് വൈകുകയാണ്.
മഴയില് ആദ്യ ദിനം മുങ്ങരുതെന്ന പ്രാര്ഥനയിലാണ് ക്രിക്കറ്റ് ലോകം. 143 വര്ഷത്തെ ടെസ്റ്റ് ക്രിക്കറ്റ് ചരിത്രത്തിന് ഇടയില് ആദ്യമായാണ് കാണികളില്ലാതെ ടെസ്റ്റ് മത്സരം നടക്കുന്നത്. 2018-19ല് വിന്ഡിസ് മണ്ണില് ഇംഗ്ലണ്ടിനെ തോല്പ്പിച്ച് പരമ്പര ജേതാക്കളായാണ് വിന്ഡിസിന്റെ നില്പ്പ്.
മൂന്ന് ടെസ്റ്റുകളുടെ പരമ്പരയില് ആദ്യത്തേതില് തന്നെ ജയം പിടിച്ച് വിന്ഡിസിനെ പ്രതിരോധത്തിലാക്കി ട്രോഫി തിരികെ പിടിക്കുകയാണ് ഇംഗ്ലണ്ടിന്റെ ലക്ഷ്യം. 1988ന് ശേഷം ഇംഗ്ലണ്ടില് വെസ്റ്റ് ഇന്ഡീസ് ടെസ്റ്റ് പരമ്പര ജയിച്ചിട്ടില്ല.സ്റ്റോക്ക്സിന് കീഴില് ഇറങ്ങുന്ന ഇംഗ്ലണ്ടിന് തന്നെയാണ് മുന്തൂക്കം എന്ന് ബ്രയാന് ലാറ ഉള്പ്പെടെയുള്ളവര് പറഞ്ഞു കഴിഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates