മുംബൈ: മഹാരാഷ്ട്രയുടെ ഭാരോദ്വഹന താരമായ വൈഭവി പടേക്കറെ മരിച്ച നിലയില്‍ കണ്ടെത്തി. റായ്ഗഡ് ജില്ലയില്‍ നിന്നും നൂറ് കിലോമീറ്റര്‍ അകലെയുള്ള ഗുര്‍ഗാവോണ്‍ ഗ്രമത്തിലെ കുളത്തിലാണ് ബുധനാഴ്ച താരത്തെ മരിച്ച നിലയില്‍ കണ്ടെത്തിയത്. 

ആഗസ്റ്റ് 27 മുതല്‍ വൈഭവിയെ കാണാനില്ലായിരുന്നു. കുളത്തില്‍ ചാടി ആത്മഹത്യ ചെയ്തതാകാമെന്നാണ് പൊലീസിന്റെ പ്രാഥമിക നിഗമനം. ഭാരോദ്വഹനവുമായി മുന്നോട്ടു പോകുന്നതിന് മുന്നിലുള്ള പ്രതിസന്ധിയും മറ്റും കുടുംബാംഗങ്ങളോടും സുഹൃത്തുക്കളോടും വൈഭവി പറഞ്ഞിരുന്നു. 

കുടുംബാംഗങ്ങളുമായി ഇക്കാര്യം സംസാരിച്ചതിന് പിന്നാലെയാണ് താരത്തെ കാണാതാവുന്നത്. ഭാരോദ്വഹനത്തില്‍ ദേശീയ തലത്തില്‍ വെള്ളി നേടിയ വൈഭവി, ജില്ലാതല മത്സരങ്ങളില്‍ സ്വര്‍ണവും സ്വന്തമാക്കിയിട്ടുണ്ട്.