ബാഴ്‌സലോണ: നെയ്മറിന്റെ പകരക്കാരനെ തപ്പിക്കൊണ്ടിരിക്കുന്ന ബാഴ്‌സയിലേക്കെത്തിയ ബ്രസീലിയന്‍ താരം പൊളീഞ്ഞോയ്ക്കു ആശംസയുമായി നെയ്മര്‍. ചൈനീസ് ക്ലബ്ബ് ഗ്വാങ്ഷൂ എവര്‍ഗ്രാന്‍ഡെയില്‍ നിന്നും കാറ്റലന്‍ ക്ലബ്ബില്‍ ചേര്‍ന്ന പൊളീഞ്ഞോയെ 40 ദശലക്ഷം യൂറോയ്ക്കാണ് ബാഴ്‌സലോണ സ്വന്തമാക്കിയിരിക്കുന്നത്.

ബാഴ്‌സയില്‍ ഞാന്‍ ഹാപ്പിയായിരുന്നപോലെ നീയും ഹാപ്പിയാണെന്നു വിചാരിക്കുന്നുവെന്നാണ് നെയ്മര്‍ തന്റെ ഔദ്യോഗിക ഇന്‍സ്റ്റഗ്രാമിലൂടെ പങ്കുവെച്ചത്. 222 ദശലക്ഷം യൂറോയ്ക്ക് നെയ്മറിനെ വില്‍പ്പന നടത്തിയശേഷമുള്ള കാറ്റലന്‍ ക്ലബ്ബിന്റെ ആദ്യ ട്രാന്‍സ്ഫറാണിത്. അതേസമയം, 29കാരനായ പൊളീഞ്ഞോയെ വാങ്ങിയ ബാഴ്‌സയുടെ തീരുമാനം മണ്ടത്തരമാണെന്നാണ് ഫുട്‌ബോള്‍ പണ്ഡിറ്റുകളുടെ നിരീക്ഷണം.

പൊളീഞ്ഞോയുടെ പ്രകടനം കാണാം