ചെന്നൈ: ഓസ്‌ട്രേലിയന്‍ വനിതാ ക്രിക്കറ്റ് താരം എലിസ് പെറിയും, ഓസീസ് റഗ്ബി താരം മാറ്റ് ടൂമ്വയും വിവാചമോചിതരായതിന് പിന്നാലെ ഇന്ത്യന്‍ താരം മുരളി വിജയിക്ക് ട്രോള്‍ മഴ. എലിസ പെറിക്കൊപ്പം ഡിന്നര്‍ കഴിക്കാനുള്ള ആഗ്രഹത്തെ കുറിച്ച് മുരളി വിജയ് അടുത്തിടെ പറഞ്ഞിരുന്നു. 

ചെന്നൈ സൂപ്പര്‍ കിങ്‌സുമായുള്ള ലൈവ് ചാറ്റിന് ഇടയിലാണ് എലിസ പെറിക്കൊപ്പം അത്താഴം കഴിക്കാനുള്ള ആഗ്രഹം മുരളി വിജയ് പങ്കുവെച്ചത്. ബില്‍ അടയ്ക്കാന്‍ തയ്യാറാണെങ്കില്‍ ഡിന്നറിന് വരാമെന്ന് എലിസെ പെറി പ്രതികരിക്കുകയും ചെയ്തു. 

അഞ്ച് വര്‍ഷം നീണ്ട വിവാഹ ബന്ധം വേര്‍പിരിയുന്നതായി എലിസ് പെറിയും ടൂമ്വയും കഴിഞ്ഞ ദിവസമാണ് പ്രഖ്യാപിച്ചത്. ഇരുവരും ഏറെ നാളായി അകന്ന് കഴിയുകയായിരുന്നു എന്ന് വാര്‍ത്തകളുണ്ടായിരുന്നു. ഏറ്റവും ബഹുമാനത്തോടും ആദരവോടും കൂടിയാണ് വിവാഹ ബന്ധം പിരിയാന്‍ ഈ വര്‍ഷം ആദ്യം ഞങ്ങള്‍ തീരുമാനിച്ചതെന്ന് ഇരുവരും പറഞ്ഞു.