തന്നിലുള്ള താത്പര്യം എവര്ട്ടന് നഷ്ടപ്പെട്ടുവെന്ന് പറഞ്ഞായിരുന്നു ഇംഗ്ലണ്ട് മുന് താരം ക്ലബ് വിട്ടത്. യൂറോപ്യന് ഫുട്ബോള് വിട്ട് റൂണിക്ക് പോകേണ്ടി വന്നതില് ആരാധകര് നിരാശരുമായിരുന്നു. എന്നാല് അമേരിക്കയിലെ മേജര് ലീഗ് സോക്കറില് പന്തുതട്ടി കളിക്കളം ചോരക്കളമാക്കിയാണ് റൂണി ഇപ്പോള് ആരാധകരുടെ ശ്രദ്ധ അവിടേക്കെത്തിക്കുന്നത്.
ഡിസി യുനൈറ്റഡിന് വേണ്ടിയാണ് റൂണി ഇപ്പോള് പന്തു തട്ടുന്നത്. പുതിയ ക്ലബിലെ തന്റെ ആദ്യ ഗോള് നേടിയതിന് ശേഷമായിരുന്നു ചോരയൊലിപ്പിച്ച് റൂണിക്ക് കളിക്കളം വിടേണ്ടി വന്നത്. 33ാം മിനിറ്റില് കൊളൊറാഡോ റാപ്പിഡ്സിന്റെ ഗോള് കീപ്പര് ഹൊവാര്ഡിന്റെ കാലുകള്ക്കിടയിലൂടെ റൂണി പന്ത് ഗോള് വല കടത്തുകയായിരുന്നു.
പിന്നാലെ കോര്ണര് കിക്കിന് വേണ്ടിയുള്ള കൂട്ടപൊരിച്ചിലിനിടെ റൂണിയുടെ മൂക്കിന് പരിക്കേല്ക്കുകയായിരുന്നു. പരിക്ക് ഗുരുതരമല്ലെങ്കിലും അഞ്ച് സ്റ്റിച്ചുകള് ഇടേണ്ടതായി വന്നുവെന്നാണ് റിപ്പോര്ട്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates