2017 ജൂലൈയ്ക്ക് ശേഷം രവീന്ദ്ര ജഡേജയ്ക്ക് ഇന്ത്യന്‍ കുപ്പായത്തിലെത്താന്‍ സാധിച്ചിട്ടില്ല. കുല്‍ദീപും, ചഹലും ജഡേജയുടെ സ്ഥാനം കയ്യേറി ആധിപത്യം ഉറപ്പിച്ചും കഴിഞ്ഞു. ആഭ്യന്തര ക്രിക്കറ്റ് മത്സരങ്ങളില്‍ ഇറങ്ങിയെങ്കിലും വലിയ മുന്നേറ്റമുണ്ടാക്കാന്‍ ജഡേജയ്ക്ക് സാധിച്ചില്ല. ഇപ്പോഴിതാ ഐപിഎല്ലിലും ജഡേജയ്ക്ക് താളപ്പിഴകള്‍ തന്നെയാണ്.
ധോനിയുടെ വിശ്വസ്തനായിരുന്നു ജഡേജ. എന്നാല്‍ ആ വിശ്വാസ്യതയ്ക്ക് ഇപ്പോള്‍ ഇടിവ് വന്നിട്ടുണ്ടെന്നാണ് ചെന്നൈയുടെ കഴിഞ്ഞ മത്സരങ്ങളില്‍ ധോനിയെടുത്ത തീരുമാനങ്ങളില്‍ നിന്നും വ്യക്തമാകുന്നത്. കഴിഞ്ഞ മൂന്ന് കളികളിലെല്ലാമായി മൂന്ന് ഓവര്‍ മാത്രമാണ് ധോനി ജഡേജയ്ക്ക് നല്‍കിയത്. 9.33 എക്കണോമിയില്‍ ജഡേജ വീഴ്ത്തിയതാവട്ടെ ഒരു വിക്കറ്റും.
കൊല്‍ക്കത്തയ്‌ക്കെതിരെ സമ്മര്‍ദ്ദത്തില്‍ നിന്നുകൊണ്ട് സിക്‌സ് അടിച്ച് വിജയ റണ്‍ നേടിയത് ഒഴിച്ചാല്‍ ജഡേജയില്‍ നിന്നും ബാറ്റിങ്ങിലും ചെന്നൈയ്ക്ക് സീസണില്‍ ഇതുവരെ നേട്ടമുണ്ടായിട്ടില്ല. ബ്രാവോയ്ക്ക് മുകളില്‍ ബാറ്റിങ്ങില്‍ സ്ഥാനം ലഭിച്ചിട്ടും മൂന്ന് മത്സരങ്ങളില്‍ നിന്നും ജഡേജ നേടിയത് 42 റണ്‍സ് മാത്രം.
ബാറ്റിങ്ങിലും, ബൗളിങ്ങിലും പ്രതീക്ഷയ്‌ക്കൊത്ത് ഉയരാന്‍ സാധിക്കുന്നില്ല എങ്കിലും ഫീല്‍ഡിങ്ങില്‍ മികവ് പുലര്‍ത്താന്‍ ജഡേജയ്ക്ക് സാധിക്കുന്നുവെന്നതാണ് ടീമിന് ആശ്വാസം നല്‍കുന്നത്. ജഡേജയില്‍ ഞങ്ങള്‍ക്ക വിശ്വാസമുണ്ട്. ലഭിച്ച അവസരം മുതലെടുക്കാന്‍ ജഡേജയ്ക്ക് സാധിച്ചില്ലെങ്കില്‍ ബ്രാവോ മുന്നിലേക്ക് വരും. എന്നാല്‍ ജഡേജയ്ക്ക് മുന്നേറ്റം നടത്താന്‍ സാധിച്ചാല്‍ അത് ടീമിന് ഗുണം നല്‍കും. സീസണില്‍ ഇതുവരെ ജഡേജയ്ക്ക് വേണ്ട അവസരം ലഭിച്ചിട്ടില്ലെന്നുമായിരുന്നു ജഡേജയുടെ പ്രകടനത്തെ കുറിച്ച് ധോനിയുടെ വാക്കുകള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates