ബെല്ഗ്രേഡ്: നൊവാക് ജോക്കോവിച്ച് സംഘടിപ്പിച്ച ചാരിറ്റി ടൂര്ണമെന്റില് പങ്കെടുത്ത മറ്റൊരു താരത്തിന് കൂടി കോവിഡ്. ഗ്രിഗര് ദിമിത്രോവിനും, ക്രൊയേഷ്യന് താരം കോറിച്ചിനും പിന്നാലെ സെര്ബിയയുടെ വിക്ടര് ട്രോയിസ്ക്കിക്കാണ് ഇപ്പോള് കോവിഡ് സ്ഥിരീകരിച്ചത്.
ജൂണ് 13, 14 തിയതികളില് സെന്ട്രല് ബെല്ഗ്രേഡിലെ ജോക്കോവിച്ച് ടെന്നീസ് കോംപ്ലക്സില് നടന്ന മത്സരത്തില് ട്രോയിസ്ക്കിയും പങ്കെടുത്തിരുന്നു. ബള്ഗേറിയന് താരം ദിമിത്രോവിന് കോവിഡ് സ്ഥിരീകരിച്ചതിന് പിന്നാലെ ജോക്കോവിച്ച് സംഘടിപ്പിച്ച ടൂര്ണമെന്റിന് എതിരെ വലിയ വിമര്ശനം ഉയര്ന്നിരുന്നു.
സാമൂഹിക അകലെ പാലിക്കാതെയാണ് ടൂര്ണമെന്റ് നടത്തിയത് എന്നാണ് പ്രധാന ആരോപണം. ജോക്കോവിച്ചിനെ കൂടാതെ ഡൊമിനിക് തീം, അലക്സാണ്ടര് സവരേവ് എന്നിവരും ടൂര്ണമെന്റില് പങ്കെടുത്തിരുന്നു.
അഡ്രിയ ടൂര് പോരാട്ടത്തിലെ മൂന്ന് താരങ്ങള്ക്കാണ് രണ്ട് ദിവസത്തെ ഇടവേളയില് കോവിഡ് സ്ഥിരീകരിക്കുന്നത്. ദിമിത്രോവിന് കോവിഡ് സ്ഥിരീകരിച്ചതിന് പിന്നാലെയാണ് അഡ്രിയ ടൂര്ണമെന്റ് റദ്ദാക്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates