ലോക്ക്ഡൗണ് സമയത്ത് ടിക് ടോക്കില് കൂടുതല് സജീവമായ സെലിബ്രിറ്റികളില് മുന്പിലുണ്ട് ഓസ്ട്രേലിയയുടെ ഡേവിഡ് വാര്ണര്. ടിക് ടോക് ഇന്ത്യയില് നിരോധിച്ചതോടെ വാര്ണറിന് ആരാധകരില് വലിയൊരു വിഭാഗത്തെ നഷ്ടമായി. എന്നാലിപ്പോള് യൂട്യൂബ് ചാനല് തുടങ്ങി വരികയാണ് സണ്റൈസേഴ്സ് ഹൈദരാബാദിന്റെ നായകന്.
തന്റെ യൂട്യൂബ് ചാനലിലേക്ക് ആരാധകരെ ക്ഷണിച്ചു കൊണ്ട് ഡേവിഡ് വാര്ണര് ട്വിറ്ററില് എത്തി. എന്നാല് ഇവിടെ കാത്തിരുന്നത് യുവരാജ് സിങ്ങിന്റെ ട്രോളായിരുന്നു. നിങ്ങളുടെ ഡാന്സ് വീഡിയോകള് ഇവിടേയും ഉണ്ടാവും എന്നാണ് യുവി റിട്വീറ്റ് ചെയ്തുകൊണ്ട് പറഞ്ഞത്.
ലോക്ക്ഡൗണ് കാലത്ത് ടിക് ടോക്കില് വാര്ണറും കുടുംബവും നിരവധി രസകരമായ വീഡിയോകള് പങ്കുവെച്ചു. ബാഹുബലിയുടെ വേഷത്തിലെത്തിയും തെലുങ്ക്, ബോളിവുഡ് ഗാനങ്ങള്ക്കൊപ്പം ചുവടുവെച്ചുമെല്ലാമാണ് വാര്ണറും കുടുംബവും ആരാധകരെ രസിപ്പിച്ചത്. മകളുടെ അഭ്യര്ഥനയെ തുടര്ന്നാണ് വാര്ണര് ടിക് ടോക്കില് ആദ്യമായി വീഡിയോ പങ്കുവെച്ചത്. എന്നാല് പിന്നാലെ പല പല പരീക്ഷണങ്ങളുമായി വാര്ണര് ടിക് ടോക്കില് എത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates