ലണ്ടന്‍: പ്രീമിയര്‍ ലീഗ് സീസണ്‍ ഹാട്രിക്കോടെ തുടങ്ങിയതിന് പിന്നാലെ മറ്റൊരു റെക്കോര്‍ഡ് കൂടി സ്വന്തമാക്കി സല. സല വല ചലിപ്പിച്ച കളികളില്‍ തുടരെ 35ാം മത്സരമാണ് ലിവര്‍പൂള്‍ ജയിച്ചു കയറുന്നത്. മാഞ്ചസ്റ്റര്‍ യുനൈറ്റഡിന് വേണ്ടി പ്രീമിയര്‍ ലീഗില്‍ റൂണി സൃഷ്ടിച്ച റെക്കോര്‍ഡ് ആണ് ഇവിടെ സല മറികടന്നത്. 

റൂണി വല കുലുക്കിയ കളികളില്‍ തുടരെ 34 തവണ മാഞ്ചസ്റ്റര്‍ യുനൈറ്റഡ് ജയിച്ചു കയറിയതായിരുന്നു ഇതുവരെയുള്ള റെക്കോര്‍ഡ്. 2008 മുതല്‍ 2011 വരെയുള്ള സമയത്തായിരുന്നു ഇത്. 1988ന് ശേഷം പ്രീമിയര്‍ ലീഗ് സീസണിന്റെ ആദ്യ ദിനത്തില്‍ ഹാട്രിക് നേടുന്ന ആദ്യ ലിവര്‍പൂള്‍ താരവുമായി സല. 1988-89 സീസണില്‍ ലിവര്‍പൂളിന്റെ ജോണ്‍ അല്‍ഡ്രിഡ്ജ് ആണ് സലക്ക് മുന്‍പ് ഈ നേട്ടത്തിലേക്ക് എത്തിയത്. 

ലീഡ്‌സിനെതിരെ നാലാം മിനിറ്റില്‍ സലയുടെ ഷോട്ട് പ്രതിരോധ നിര താരത്തിന്റെ കൈകളില്‍ തട്ടിയതോടെയാണ് പെനാല്‍റ്റി ലഭിച്ചത്. 33ാം മിനിറ്റില്‍ ലിവര്‍പൂളിന്റെ ഫ്രീകിക്ക് ലീഡ്‌സ് താരം ഹെഡ് ചെയ്ത അകറ്റിയത് കൈക്കലാക്കിയായിരുന്നു ഇടം കാലുകൊണ്ട് സലയുടെ വെടിയുണ്ട...86ാം മിനിറ്റില്‍ ഫാബിനോയെ പോസ്റ്റില്‍ ഫൗള്‍ ചെയ്ത് വീഴ്ത്തിയതില്‍ ലഭിച്ച പെനാല്‍റ്റിയില്‍ നിന്നായിരുന്നു സലയുടെ മൂന്നാമത്തെ ഗോള്‍.