മുബൈ: ഡല്‍ഹി ക്യാപിറ്റല്‍സ് ഓപണറും യുവ ഇന്ത്യന്‍ താരവുമായ പൃഥ്വി ഷായ്ക്ക് ഉപദേശവുമായി മുന്‍ ഇന്ത്യന്‍ താരം സഞ്ജയ് മഞ്ജരേക്കര്‍. ഐപിഎല്ലില്‍ മികച്ച ഇന്നിങ്‌സ് കളിക്കാന്‍ കഴിയാതെ പാടുപെടുന്ന ഓപണറോട് അതിസാഹസിക ഷോട്ടുകള്‍ കളിക്കാന്‍ മുതിരരുതെന്ന് മഞ്ജരേക്കര്‍ ഉപദേശിക്കുന്നു.
പ്ലേ ഓഫ് സ്ഥാനത്തിനായി ഡല്‍ഹി ബാംഗ്ലൂരുമായി ഏറ്റുമുട്ടുകയാണ്. അതിനിടെയാണ് പൃഥ്വി ഷായ്ക്ക് ഉപദേശവുമായി മഞ്ജരേക്കര്‍ രംഗത്തെത്തിയത്.
'പ്രിയപ്പെട്ട പൃഥ്വി അതി സാഹസിക ഷോട്ടുകള്‍ കളിക്കാന്‍ ശ്രമിക്കരുത്. അത്തരം ഷോട്ടുകള്‍ കളിച്ചാല്‍ അത് വിജയിപ്പിച്ചെടുക്കുക ആസാധ്യമായിരിക്കും. ഇക്കാര്യത്തില്‍ വീരേന്ദര്‍ സെവാഗിന് മാതൃകയാക്കു. ആത്മവിശ്വാസത്തോടെ അത്തരം ഷോട്ടുകള്‍ അദ്ദേഹം കളിക്കുന്നത് എങ്ങനെയാണെന്ന് കണ്ടു പഠിക്കു'- മഞ്ജരേക്കര്‍ യുവ താരത്തിനെ ഉപദേശിച്ചു.
മുംബൈ ഇന്ത്യന്‍സിനെതിരായ കഴിഞ്ഞ കളിയില്‍ പത്ത് പന്തില്‍ 11 റണ്‍സാണ് പൃഥ്വി കണ്ടെത്തിയത്. ഇതിന് പിന്നാലെയാണ് മഞ്ജരേക്കറുടെ ഉപദേശം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates