പാരിസ്: പത്താം ഫ്രഞ്ച് ഒപ്പണ്‍ കിരീടം ലക്ഷ്യമിട്ടിറങ്ങിയ റാഫേല്‍ നദാലിന് ആദ്യ റൗണ്ടില്‍ ജയം. ലോക റാങ്കിംഗില്‍ 45മത് സ്ഥാനത്തുള്ള ഫ്രഞ്ച് താരം ബെനോയിറ്റ് പെയറിനെ 6-1, 6-4, 6-1 എന്ന സ്‌കോറിനാണ് തോല്‍പ്പിച്ചത്. രണ്ടാം റൗണ്ടില്‍ റോബിന്‍ ഹാസെയാണ് നദാലിന്റെ എതിരാളി. 

കഴിഞ്ഞ വര്‍ഷം കൈക്കുഴയ്ക്ക് പരിക്കേറ്റതിനെ തുടര്‍ന്ന് മൂന്നാം റൗണ്ടില്‍ നിന്നും പിന്മാറിയ നദാലിനാണ് ഇത്തവണ റോളണ്ട് ഗാരോസില്‍ ഏറ്റവും പ്രതീക്ഷയുള്ള താരം.

അതേസമയം, നിലവിലെ ഫ്രഞ്ച് ഓപ്പണ്‍ ചാംപ്യന്‍ നോവാക്ക് ദ്യോക്കോവിച്ചും ആദ്യ റൗണ്ടില്‍ നിഷ്പ്രയാസം ജയിച്ചു. ഫ്രഞ്ച് താരം മാഴ്‌സലോ ഗ്രാനോളേഴ്‌സിനെ 6-3, 6-4, 6-2 എന്ന സ്‌കോറിനാണ് തോല്‍പ്പിച്ചത്. പോര്‍ച്ചുഗീസ് താരം ജാവോ സോസയാണ് രണ്ടാം റൗണ്ടില്‍ ദ്യോക്കോവിച്ചാണ് വെല്ലുവിളി ഉയര്‍ത്തുക.