ലണ്ടന്: ഇക്കഴിഞ്ഞ സീസണിനൊടുവില് ഇതിഹാസ ഫ്രഞ്ച് താരം ഫ്രാങ്ക് റിബറി ജര്മന് ചാമ്പ്യന്മാരായ ബയേണ് മ്യൂണിക്കിനോട് വിട പറഞ്ഞിരുന്നു. 36കാരനായ താരം നിലവില് ഒരു ടീമിന്റേയും ഭാഗമല്ല. അതിനിടെ വളരെ ശ്രദ്ധേയമായൊരു വാര്ത്തയാണ് ഇംഗ്ലണ്ടില് നിന്ന് വരുന്നത്.
നിലവിലെ ചാമ്പ്യന്സ് ട്രോഫി കിരീട ജേതാക്കളായ ലിവര്പൂളിലേക്ക് റിബറിയെ എത്തിക്കാന് പരിശീലകന് യുര്ഗന് ക്ലോപ് ശ്രമിക്കുന്നതയാണ് റിപ്പോര്ട്ടുകള്. ക്ലോപിന് അതിയായ താത്പര്യമുണ്ട് റിബറിയെ ആന്ഫീല്ഡിലെത്തിക്കാന്. ജര്മന് ടീം ബൊറൂസിയ ഡോര്ട്മുണ്ടിനെ പരിശീലിപ്പിക്കുന്ന കാലത്ത് മുഖ്യ എതിരാളികളായിരുന്ന ബയേണ് നിരയിലെ നിര്ണായക സാന്നിധ്യമായിരുന്നു റിബറി. റിബറിയുടെ കളിയോട് ക്ലോപിന് ആരാധനയുണ്ട്. അദ്ദേഹമത് പരസ്യമായി തന്നെ പറഞ്ഞിട്ടുമുണ്ട്.
അതേസമയം ലിവര്പൂള് ക്ലബ് അധികൃതരുടെ നിലപാടനുസരിച്ചാകും മറ്റ് കാര്യങ്ങള്. നിലവില് റിബറിയെ പോലൊരു വെറ്ററന് താരത്തെ ടീമിലെടുക്കേണ്ടതിന്റെ ആവശ്യം ലിവര്പൂളിനില്ല എന്നാണ് ഫുട്ബോള് വിദഗ്ധര് ചൂണ്ടിക്കാട്ടുന്നത്.
ഈ ട്രാന്സ്ഫര് വിന്ഡോയില് ലിവര്പൂള് ഒരു താരത്തെ മാത്രമാണ് ഇതുവരെ സ്വന്തമാക്കിയിട്ടുള്ളത്. ഹോളണ്ട് പ്രതിരോധ താരം സെപ്പ് വാന് ഡെന് ബെര്ഗാണ് ആന്ഫീല്ഡിലെത്തിയത്.
അതേസമയം സാമൂഹിക മാധ്യമങ്ങളില് റിബറിയെ ടീമിലെടുക്കുന്ന കാര്യത്തില് വ്യത്യസ്ത അഭിപ്രായങ്ങളാണ് ആരാധകര്ക്കുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates