കേപ്ഡൗണ്‍: ടെസ്റ്റില്‍ കാലിടറിയിടത്ത് നിന്നും ഏകദിനവും ട്വിന്റി20യും ജയിച്ചായിരുന്നു കോഹ് ലിയുടേയും സംഘത്തിന്റേയും മടങ്ങി വരവ്. കഴിഞ്ഞ രണ്ട് മാസം കോഹ് ലി എങ്ങിനെയാണ് ടീമിനെ നയിച്ചത്  എന്നത് അത്ഭുതപ്പെടുത്തുന്നു എന്ന് റെയ്‌നയും കഴിഞ്ഞ ദിവസം പ്രതികരിച്ചിരുന്നു. ഓരോ കളിക്കാരിലേക്കും കോഹ് ലിയുടെ ശ്രദ്ധ എത്തുമെന്നായിരുന്നു റെയ്‌നയുടെ വെളിപ്പെടുത്തല്‍. 

റെയ്‌നയുടെ ഈ പ്രതികരണത്തെ ശരിവയ്ക്കുന്ന ഒരു വീഡിയോയാണ് ഇപ്പോള്‍ സമൂഹമാധ്യമങ്ങളില്‍ വൈറലാവുന്നത്. ക്ഷീണമകറ്റാന്‍ ധവാന്റെ തല മസാജ് ചെയ്യുന്ന നായകന്‍ കോഹ് ലിയുടെ വീഡിയോ. പവലിയനില്‍ വെച്ചാണ് സംഭവം. മൂന്നാം ട്വിന്റി20യില്‍ വിശ്രമത്തിലായിരുന്നു കോഹ് ലി. ഇന്ത്യന്‍ ബാറ്റിങ്ങിന്റെ സമയത്തായിരുന്നു ധവാന് കോഹ് ലിയുടെ വക ഫ്രീ മസാജ്.