ഇനി കുട്ടിക്രിക്കറ്റ് പൂരത്തിന്റെ ആവേശമാണ് ക്രിക്കറ്റ് പ്രേമികളെ കാത്തിരിക്കുന്നത്. ഐപിഎല് ഫ്രാഞ്ചൈസികള് ആരാധകരെ ആവേശത്തിലാഴ്ത്താന് ഇപ്പോഴേ ചില പൊടിക്കൈകള് പ്രയോഗിച്ചു തുടങ്ങി. അക്കൂട്ടത്തില്, മുംബൈ ഇന്ത്യന്സിന്റെ ശ്രദ്ധയെല്ലാം ഹെലികോപ്റ്റര് ഷോട്ടിലാണ്.
ആദ്യം യുവി, ഇപ്പോള് ഹര്ദിക് പാണ്ഡ്യയും. ധോനിയുടെ ട്രേഡ്മാര്ക്ക് ഷോട്ടായ ഹെലികോപ്റ്റര് ഷോട്ട് നെറ്റ്സില് പരീക്ഷിക്കുകയായിരുന്നു ഇരുവരും. ഏതാനും ദിവസം മുന്പ് യുവിയുടെ ഹെലികോപ്റ്റര് ഷോട്ട് വന്നു. ഇപ്പോള് നെറ്റ്സിലെ ഹര്ദിക്കിന്റെ കിടിലന് ഹെലികോപ്റ്റര് ഷോട്ടാണ് ആരാധകര്ക്ക് മുന്നിലേക്ക് മുംബൈ ഇന്ത്യന്സ് കൊണ്ടുവരുന്നത്.
പരിക്കിനെ തുടര്ന്ന് ഓസ്ട്രേലിയയ്ക്കെതിരായ പരമ്പര നഷ്ടപ്പെട്ടതിന് ശേഷം ഹര്ദിക്കിനെ വീണ്ടും നെറ്റ്സില് കണ്ടതിന്റെ ആശ്വാസവും ആരാധകര് പ്രകടിപ്പിക്കുന്നുണ്ട്. ഹര്ദിക് ഇന്ത്യന് ടീമിന് നല്കുന്ന ബാലന്സാണ് ആരാധകര് ചൂണ്ടിക്കാണിക്കുന്നത്. ഹര്ദിക് ടീമിലേക്ക് എത്തുമ്പോള് കുല്ദീപിനേയും, ചഹലിനേയും ഇന്ത്യയ്ക്ക് ഒരുമിച്ച് കളിപ്പിക്കുവാനുള്ള വഴിയും തെളിയും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates