സൂപ്പര് താരം സ്ലാട്ടന് ഇബ്രാഹിമോവിച്ച് വീണ്ടും എസി മിലാനില്. 2010 മുതല് 2012 വരെ സീരി എ ടീമിനൊപ്പമായിരുന്ന ഇബ്രാഹിമോവിച്ച് സീസണില് എസി മിലാന് പ്രയാസം നേരിടുന്ന ഘട്ടത്തിലാണ് തിരികെയെത്തുന്നത്.
ഈ സീസണ് അവസാനം വരെയാണ് കരാര്. എസി മിലാന് വേണ്ടി 85 കളികളില് നിന്ന് 56 ഗോളുകളാണ് ഇബ്രാഹിമോവിച്ച് നേടിയത്. ഈ സീസണില് സീരി എയില് നിലവില് 11ാം സ്ഥാനത്താണ് ഇബ്രാഹിമോവിച്ച്. അടുത്ത സീസണില് തരംതാഴ്ത്തപ്പെടാതിരിക്കാനുള്ള റെലഗേഷന് പോയിന്റില് നിന്ന് ആഴ് പോയിന്റ് മാത്രം മുകളില്.
ഏറ്റവും കൂടുതല് ബഹുമാനിക്കുന്ന ക്ലബിലേക്കും, സ്നേഹിക്കുന്ന മിലാന് നഗരത്തിലേക്കും ഞാന് തിരികെയെത്തുന്നു എന്നാണ് ഇബ്രാഹിമോവിച്ച് പറഞ്ഞത്. ഈ സീസണിന്റെ ഗതി മാറ്റാന് ടീം അംഗങ്ങള്ക്കൊപ്പം എനിക്ക് സാധ്യമായതെല്ലാം ചെയ്യും, സ്ലാട്ടന് പറഞ്ഞു. 2010ല് ബാഴ്സയില് നിന്ന് ലോണായാണ് ഇബ്രാഹിമോവിച്ച് എസി മിലാനിലേക്ക് എത്തിയത്. ആ സീസണില് സീരി എ കിരീടം എസി മിലാന് നേടിയതോടെ 2011ല് ഇബ്ര എസി മിലാന്റെ സ്വന്തം താരമായി.
ഇറ്റലിയിലെ അന്തരീക്ഷം നന്നായി അറിയാവുന്ന താരമാണ് ഇബ്രാഹിമോവിച്ച്. മൂന്ന് ഇറ്റാലിയന് ക്ലബുകള്ക്ക് വേണ്ടി താരം കളിച്ചിട്ടുണ്ട്. 2004ല് യുവന്റിസിലേക്കും, 2006ല് ഇന്റര് മിലാനിലേക്കും. 2010ല് എ സി മിലാനിലേക്കും ഇബ്ര എത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates