ഹൈദരാബാദ് : ലാ ലീഗ കിരീടം നഷ്ടപ്പെട്ടതിന് പിന്നാലെ ചാമ്പ്യന്സ് ലീഗിലും തകര്ന്നടിഞ്ഞതോടെ വലിയ അഴിച്ചുപണിക്ക് ഒരുങ്ങുകയാണ് ബാഴ്സലോണ. പുതിയ സീസണില് നയിക്കാന് എത്തുന്ന കോമാന് തനിക്ക് കൂട്ടായി ഐഎസ്എല് ടീമിന്റെ പരിശീലകനെ വിളിക്കുകയാണ്.
ബാഴ്സയില് മാറ്റത്തിന്റെ കൊടിപാറിക്കാന് ഒപ്പം കൂടാന് ഹൈദരാബാദ് എഫ്സി പരിശീലകന് ആല്ബര്ട്ട് റോക്കയെയാണ് കോമാന് വിളിക്കുന്നത്. ആല്ഫ്രഡ് ഷ്രഡര്, ഹെന്റിക് ലാര്സണ് എന്നിവരെ കോമാന് തന്റെ സംഘത്തിലേക്ക് വിളിച്ചിരുന്നു. ഇവര്ക്കൊപ്പം ചേരാന് റോക്കയ്ക്കും ക്ഷണം ലഭിച്ചതായി ഹൈദരാബാദ് എഫ്സി വൃത്തങ്ങള് തന്നെയാണ് അറിയിച്ചത്.
2003-08 കാലത്ത് ബാഴ്സയ്ക്കൊപ്പം റോക്ക പ്രവര്ത്തിച്ചിട്ടുണ്ട്. ഫ്രാങ്ക് റൈക്കാര്ഡ് ബാഴ്സ കോച്ചായിരുന്നപ്പോഴാണ് അത്. ഹൈദരാബാദിലേക്ക് എത്തുന്നതിന് മുന്പ് കൊല്ക്കത്തയുടെ പരിശീലകനായിരുന്നു റോക്ക. പോയിന്റ് ടേബിളില് ഏറ്റവും അവസാനമായാണ് ഹൈദരാബാദ് സീസണ് അവസാനിപ്പിച്ചത്. ഇതോടെ പരിശീലക സ്ഥാനത്തേക്ക് റോക്ക എത്തി. എന്നാല് 2022 വരെയാണ് റോക്കയുമായുള്ള ഹൈദരാബാദിന്റെ കരാര്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates