ന്യൂയോര്ക്ക് : യു എസ് ഓപ്പണ് ടെന്നീസില് വമ്പന് അട്ടിമറി. ക്വാര്ട്ടറില് മുന് ചാമ്പ്യന് റോജര് ഫെഡറര് പുറത്തായി. ബള്ഗേറിയയുടെ ഗ്രിഗര് ദിമിത്രോവാണ് സ്വിസ് താരം ഫെഡററെ അട്ടിമറിച്ചത്. ബള്ഗേറിയയുടെ 78-ാം റാങ്ക് താരമാണ് ദിമിത്രോവ്. സ്കോര് 6-3, 4-6,6-3,4-6,2-6
മത്സരത്തിലാകെ 61 പിഴവുകളാണ് ഫെഡറര് വരുത്തിയത്. ദിമിത്രോവാകട്ടെ 41 ഉം. ഇതിനു മുന്പ് ഏഴു തവണ ഇരുവരും ഏറ്റുമുട്ടിയപ്പോള് ഏഴു തവണയും വിജയം ഫെഡറര്ക്കായിരുന്നു. ഈ മത്സരത്തിനു മുമ്പ് ഫെഡറര്ക്കെതിരേ കളിച്ച 18 സെറ്റുകളില് വെറും രണ്ടെണ്ണത്തില് മാത്രമായിരുന്നു ദിമിത്രോവിന് വിജയിക്കാനായിരുന്നത്.
അതേസമയം വനിതാ വിഭാഗത്തില് അമേരിക്കയുടെ സെറീന വില്യംസ് കുതിപര്പു തുടരുകയാണ്. ക്വാര്ട്ടറില് ചൈനയുടെ വാംഗ് ക്വിയാംഗിനെ തകര്ത്ത് സെറീന സെമിയില് കടന്നു. സ്കോര് 6-1, 6-0.
44 മിനുട്ടിലായിരുന്നു സെറീനയുടെ വിജയം. 37 കാരിയായ സെറീന 25 വിന്നറുകളാണ് മല്സരത്തില് പായിച്ചത്. സെമിയില് അഞ്ചാം സീഡ് എലീന സ്വിറ്റോളിനയാണ് സെറീനയുടെ എതിരാളി. 24-ാം ഗ്രാന്ഡ് സ്ലാം കിരീടം എന്ന റിക്കാര്ഡ് ലക്ഷ്യമിട്ടാണ് സെറീനയുടെ വിജയക്കുതിപ്പ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates