നാഗ്പുര്: തുടര്ച്ചയായ രണ്ടാം വര്ഷവും രഞ്ജി ട്രോഫി കിരീട നേട്ടത്തിന് പിന്നാലെ ഇറാനി ട്രോഫിയിലും മുത്തമിട്ട് വിദര്ഭ. റെസ്റ്റ് ഓഫ് ഇന്ത്യയ്ക്കെതിരെ നടന്ന മത്സരം സമനിലയില് അവസാനിച്ചതോടെയാണ് ആദ്യ ഇന്നിങ്സ് ലീഡിന്റെ മികവില് ഇറാനി ട്രോഫി വിദര്ഭ സ്വന്തമാക്കിയത്.
നേരത്തെ ഈ സീസണിലെ രഞ്ജികിരീടവും നേടിയിരുന്ന വിദര്ഭയ്ക്ക് ഇരട്ടി മധുരമാണ് ഈ കിരീട ജയം സമ്മാനിക്കുന്നത്. സ്കോര്: റെസ്റ്റ് ഓഫ് ഇന്ത്യ 330, 374/3 ഡിക്ലയേഡ്, വിദര്ഭ 425, 269/5.
വിദര്ഭ നേടിയ 95 റണ്സിന്റെ ഒന്നാം ഇന്നിങ്സ് ലീഡാണ് ഫൈനലില് നിര്ണായകമായത്. മത്സരം സമനിലയില് അവസാനിച്ചതോടെ ഈ ലീഡ് അവരെ കിരീടത്തിലേക്ക് നയിച്ചു. മത്സരത്തില് റെസ്റ്റ് ഓഫ് ഇന്ത്യ ഉയര്ത്തിയ 280 റണ്സ് വിജയ ലക്ഷ്യം പിന്തുടര്ന്ന വിദര്ഭ ജയത്തിന് 11 റണ്സകലെയെത്തി നില്ക്കവേയാണ് മത്സരം സമനിലയില് അവസാനിച്ചത്.
ആദ്യ ഇന്നിങ്സില് വിദര്ഭയ്ക്കായി തകര്പ്പന് സെഞ്ച്വറി നേടിയ കര്നേവാറാണ് കളിയിലെ കേമന്. റെസ്റ്റ് ഓഫ് ഇന്ത്യക്കായി ഹനുമ വിഹാരി രണ്ട് ഇന്നിങ്സിലും സെഞ്ച്വറി നേടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates