ബംഗളൂരു: ഗ്രൗണ്ട് കയ്യടക്കി കോഹ് ലിയുടെ അടുത്തേക്ക് ആരാധകന്‍ എത്തിയതിന് പിന്നാലെയായിരുന്നു രോഹിത്തിനെ തേടിയും ആരാധകനെത്തിയത്. വിജയ് ഹസാരെ ട്രോഫിയില്‍ ബാറ്റേന്തുന്നതിനിടെയായിരുന്നു അത്. 

ക്രീസിലേക്കെത്തിയ ആരാധന്‍ രോഹിത്തിന്റെ കാലില്‍ വീഴുകയും രോഹിത്തിന്റെ മുഖത്ത് ചുംബിക്കാനും ആരാധകന്‍ ശ്രമിച്ചു. സമൂഹമാധ്യമങ്ങളില്‍ ഇതിന്റെ വീഡിയോ വൈറലാവുകയും ചെയ്തു. ഇതിന് പിന്നാലെ വന്ന ചഹലിന്റേയും രോഹിത്തിന്റെ ഭാര്യ റിതികയുടേയും പ്രതികരണമാണ് ആരാധകരില്‍ കൗതുകം നിറയ്ക്കുന്നത്. 

രോഹിത്തിനെ ആരാധകന്‍ കെട്ടിപ്പിടിക്കുന്ന ഫോട്ടോയില്‍ ചഹലിനെ റിതിക ടാഗ് ചെയ്തു. നമ്മള്‍ രണ്ട് പേര്‍ക്കും ഒരു എതിരാളി എന്നായിരുന്നു ചഹലിനെ ടാഗ് ചെയ്ത് റിതിക എഴുതിയത്. എന്താണ് നിങ്ങള്‍ ഈ കാണിക്കുന്നത് എന്ന ചോദ്യമായിരുന്നു ചഹല്‍ രോഹിത്തിനോട് ചോദിച്ചത്.