2017 ജൂണ്‍ മുപ്പതിനായിരുന്നു ഇന്ത്യന്‍ കുപ്പായത്തില്‍ തന്റെ അവസാന ഏകദിനം യുവരാജ് സിങ് കളിച്ചത്. പിന്നെ ടീമിലേത്താന്‍ പഞ്ചാബി താരത്തിനായിട്ടില്ല. വയസന്‍ എന്ന വിളിപ്പേര് പതിയെ യുവിക്കരികിലേക്കെത്തി. എന്നാലിപ്പോള്‍ തന്നെ വയസന്‍ എന്ന് വിളിച്ചവര്‍ക്ക് മറുപടി നല്‍കുകയാണ് യുവി. 

പരിശീലന വീഡിയോ ഷെയര്‍ ചെയ്താണ് യുവി വിമര്‍ശകരുടെ വായടപ്പിക്കുന്നത്. ഇങ്ങനെ പരിശീലിക്കാനുള്ള എന്റെ പ്രായം കടന്നു പോയി. സാധാരണ ജീവിതത്തിലേക്ക് ഞാന്‍ തിരികെ എത്തണം എന്നായിരുന്നു കഴിഞ്ഞ വര്‍ഷം എനിക്ക് പലരും തന്നെ ഉപദേശം. എന്നാല്‍ എനിക്ക് കഴിയില്ലാ എന്ന് നിങ്ങള്‍ എന്നോട് പറയരുത്, കാരണം ലക്ഷ്യത്തില്‍ എത്തുന്നത് വരെ ഞാന്‍ അത് ചെയ്യുമെന്ന് യുവ് വ്യക്തമാക്കുന്നു...

304 ഏകദിനങ്ങളാണ് യുവി ഇന്ത്യയ്ക്ക് വേണ്ടി കളിച്ചത്. 36.55 ബാറ്റിങ് ശരാശരിയില്‍ 8701 റണ്‍സാണ് ഏകദിനത്തിലെ യുവിയുടെ സമ്പാദ്യം. 40 ടെസ്റ്റുകളും, 58 ട്വിന്റി20യും യുവി ഇന്ത്യയ്ക്ക് വേണ്ടി കളിച്ചിട്ടുണ്ട്. ലോക കപ്പ് ടീമിലേക്ക് യുവിക്ക് എത്താന്‍ സാധിക്കുമോയെന്ന് ഉറ്റുനോക്കുകയാണ് ആരാധകരിപ്പോള്‍.