ന്യൂഡെല്ഹി: ഇന്ത്യന് ടീമിന്റെ കണ്സള്ട്ടന്റായി ബാറ്റിങ് ഇതിഹാസം സച്ചിന് ടെണ്ടുല്ക്കറെയും വേണമെന്ന് പരിശീലകന് രവി ശാസ്ത്രിക്കു താല്പ്പര്യം. കഴിഞ്ഞ ദിവസം ചേര്ന്ന ബിസിസിഐ പ്രത്യേക കമ്മിറ്റി യോഗത്തിലാണ് ശാസ്ത്രി ഇക്കാര്യം അറിയിച്ചത്.
ഇന്ത്യന് ടീമിനെ പരിശീലകനായി ശാസ്ത്രിയെ നിയമിച്ച ക്രിക്കറ്റ് ഉപദേശക സമിതിയംഗമാണ് നിലവില് സച്ചിന് ടെണ്ടുല്ക്കര്. കണ്സള്ട്ടന്റായി നിയമിക്കണമെങ്കില് ഐപിഎല് അടക്കമുള്ള മറ്റു മേഖലകളില് നിന്നും സച്ചിന് വിട്ടു നില്ക്കേണ്ടി വരും. കുറഞ്ഞ കാലത്തേക്കെങ്കിലും സച്ചിനെ കണ്സള്ട്ടന്റാക്കണമെന്നാണ് രവിശാസ്ത്രി ആവശ്യപ്പെട്ടിരിക്കുന്നത്. എന്നാല്, കുറഞ്ഞ കാലത്തേക്കു മാത്രം ഈ സ്ഥാനത്തേക്കു വരുന്നതിന് സച്ചിനു ഐപിഎല് അടക്കമുള്ള കാര്യങ്ങളില് നിന്നും വിട്ടു നില്ക്കാന് സാധ്യതയില്ലെന്നാണ് റിപ്പോര്ട്ടുകള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates