ലോകകപ്പില് ഇന്ത്യയ്ക്ക് മുന്പില് വീണ്ടും പാകിസ്ഥാന് മുട്ടുകുത്തിയതിന് പിന്നാലെ ടെന്നീസ് താരം സാനിയാ മിര്സയെയാണ് സമൂഹമാധ്യമങ്ങളില് ചിലര് ഉന്നം വെച്ചത്. ഷുഐബ് മാലിക്ക് പൂജ്യത്തിന് പുറത്താവുക കൂടി ചെയ്തതോടെ സാനിയയ്ക്ക് നേരെയുള്ള അധിക്ഷേപങ്ങളുടെ തീവ്രതയും കൂടി. ആരാധകരുടെ അധിക്ഷേപങ്ങള്ക്ക് ഇപ്പോള് മറുപടിയുമായി എത്തുകയാണ് സാനിയ.
നിങ്ങള് നിങ്ങളുടെ നിരാശയും, അസ്വസ്ഥതകളുമെല്ലാം തീര്ക്കാന് മറ്റ് വഴികള് കണ്ടെത്തണമെന്നാണ് ആരാധകരോട് സാനിയ പറയുന്നത്. ഇന്ത്യയ്ക്കെതിരായ മത്സരത്തിന്റെ തലേദിവസം ഷുഐബ് മാലിക്ക് ഉള്പ്പെടെ മറ്റ് പാക് താരങ്ങള്ക്കൊപ്പം പുലര്ച്ചെ വരെ പാര്ട്ടിയില് സമയം ചിലവഴിച്ചതിനെ ചൊല്ലി സാനിയയ്ക്ക് മേല് പാക് ആരാധകര് വിമര്ശനം ഉന്നയിച്ചിരുന്നു.
ഇത്രയും പ്രധാനപ്പെട്ട മത്സരത്തിന് മണിക്കൂറുകള് മാത്രം മുന്പ് രാത്രി ആഘോഷങ്ങളിലേര്പ്പെട്ടതിനും, പിസയും, ബര്ഗറുമടങ്ങുന്ന ഭക്ഷണം കഴിച്ചതിനും പാക് താരങ്ങള്ക്ക് മേല് പാക് ആരാധകര് രൂക്ഷ വിമര്ശനമാണ് ഈ ദിവസങ്ങളില് ഉയര്ത്തിയത്. ക്രിക്കറ്റ് ഉപേക്ഷിച്ച് റെസ്ലിങ്ങിന് പോവാന് വരെ ആരാധകര് പാക് താരങ്ങളോട് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates