Today's Rashi Phalam October 20 | നീണ്ട യാത്രയ്ക്കുള്ള തയ്യാറെടുപ്പ് നടത്തും, വിവാഹ ചർച്ചകൾ സജീവമാകും

മേടം (അശ്വതി, ഭരണി, കാർത്തിക ¼)

വാഹനം സംബന്ധിച്ച തടസ്സങ്ങൾ പരിഹരിക്കാൻ കഴിയും. പ്രിയപ്പെട്ട ഒരാളുടെ പിന്തുണ മനസ്സിന് ആശ്വാസം നൽകും. മുടങ്ങിപ്പോയ യാത്രാ പരിപാടി വീണ്ടും ആരംഭിക്കാൻ സാഹചര്യമൊരുങ്ങും.

ഇടവം (കാർത്തിക ¾, രോഹിണി, മകയിരം ½)

ബിസിനസിൽ ലാഭകരമായ ഇടപാടുകൾ നടത്താൻ സാധിക്കും. കുടുംബത്തിലെ വിവാഹാലോചനയിൽ തീരുമാനമുണ്ടാകാൻ സാധ്യതയുണ്ട്. കൈവിട്ടുപോയെന്ന് കരുതിയ അവസരം വീണ്ടും ലഭിക്കും.

മിഥുനം (മകയിരം ½, തിരുവാതിര, പുണർതം ¾)

വിദേശത്ത് പഠിക്കാനോ ജോലി ചെയ്യാനോ ശ്രമിക്കുന്നവർക്ക് അനുകൂല വാർത്ത ലഭിക്കും. കലാരംഗത്തുള്ളവർക്ക് കഴിവ് തെളിയിക്കാൻ അവസരമുണ്ടാകും. അകന്ന് കഴിഞ്ഞവർ ഒന്നിക്കും.

കർക്കടകം (പുണർതം ¼, പൂയം, ആയില്യം)

ബാങ്ക് ഇടപാടുകളുമായി ബന്ധപ്പെട്ട കാര്യങ്ങളിൽ പുരോഗതിയുണ്ടാകും. മക്കളുടെ വിദ്യാഭ്യാസവുമായി ബന്ധപ്പെട്ട നല്ല വാർത്ത മനസ്സിന് സന്തോഷം നൽകും. പുതിയ സൗഹൃദങ്ങൾ സ്ഥാപിക്കും.

ചിങ്ങം (മകം, പൂരം, ഉത്രം ¼)

ഔദ്യോഗിക രംഗത്ത് ഉത്തരവാദിത്വമുള്ള ചുമതല ലഭിക്കാൻ സാധ്യതയുണ്ട്. ഏറെക്കാലമായി മാറ്റിവച്ചിരുന്ന ആഗ്രഹം സഫലമാക്കാൻ ശ്രമിക്കും. നീണ്ട യാത്രയ്ക്കുള്ള തയ്യാറെടുപ്പ് നടത്തും.

കന്നി (ഉത്രം ¾, അത്തം, ചിത്തിര ½)

വിവാഹ ചർച്ചകൾ അനുകൂല തീരുമാനത്തിലേക്ക് നീങ്ങും. നിയമ കാര്യങ്ങളിൽ അനുകൂല മറുപടി പ്രതീക്ഷിക്കാം. ആരോഗ്യം ശ്രദ്ധിക്കുക.

തുലാം (ചിത്തിര ½, ചോതി, വിശാഖം ¼)

പൊതുപ്രവർത്തനങ്ങളിൽ ഏർപ്പെട്ടിരിക്കുന്നവർക്ക് പ്രശംസ ലഭിക്കും. പഴയ സാമ്പത്തിക ബാധ്യത തീർക്കാൻ വഴിതെളിയും. സുഹൃത്തുക്കളുമായി ചേർന്ന് ബിസിനസ്സിൽ നേട്ടമുണ്ടാക്കും.

വൃശ്ചികം (വിശാഖം ¾, അനിഴം, തൃക്കേട്ട)

വീടിന്റെ അറ്റകുറ്റപ്പണികളോ നവീകരണമോ ആരംഭിക്കാൻ അനുകൂല സമയമാണ്. പ്രണയബന്ധത്തിൽ വിവാഹ ചർച്ചകൾ സജീവമാകും. പണം മിതമായി ചെലവാക്കുക.

ധനു (മൂലം, പൂരാടം, ഉത്രാടം ¼)

ഇന്റർവ്യൂവിലോ തിരഞ്ഞെടുപ്പ് നടപടികളിലോ പങ്കെടുക്കുന്നവർക്ക് പ്രതീക്ഷ നൽകുന്ന അനുഭവമുണ്ടാകും. സഹപ്രവർത്തകന്റെ പിന്തുണയോ ടെ സങ്കീർണമായ കാര്യം പൂർത്തിയാക്കും.

മകരം (ഉത്രാടം ¾, തിരുവോണം, അവിട്ടം ½)

സ്ഥലംമാറ്റത്തിനോ വിദേശത്തേക്കുള്ള യാത്രയ്ക്കോ കാത്തിരിക്കുന്നവർക്ക് നടപടികൾ വേഗത്തിലാകും. വീട്ടിൽ സന്തോഷകരമായ ചടങ്ങ് നടത്തുന്നതിനെക്കുറിച്ച് ആലോചനയുണ്ടാകും.

കുംഭം (അവിട്ടം ½, ചതയം, പൂരുരുട്ടാതി ¾)

സാങ്കേതിക മേഖലയിലുള്ളവർക്ക് കഴിവുകൾ അംഗീകരിക്കപ്പെടുന്ന സാഹചര്യമുണ്ടാകും. ചികിത്സയിൽ കഴിയുന്ന ബന്ധുവിന്റെ കാര്യത്തിൽ ആശ്വാസ വിവരം ലഭിക്കും.

മീനം (പൂരുരുട്ടാതി ¼, ഉത്രട്ടാതി, രേവതി)

വിൽക്കാൻ ഉദ്ദേശിച്ച വസ്തുവിന് പ്രതീക്ഷിച്ച വില ലഭിക്കാൻ സാധ്യത. മക്കളിൽനിന്നുള്ള സന്തോഷകരമായ വാർത്ത കുടുംബാന്തരീക്ഷം മെച്ചപ്പെടുത്തും. ഉല്ലാസയാത്രയിൽ പങ്കെടുക്കും.