മേടം (മാര്‍ച്ച് 21 - ഏപ്രില്‍ 19)
ദമ്പതികള്‍: പങ്കാളിയുടെ കുടുംബാംഗങ്ങളെ കണ്ടുമുട്ടാന്‍ സാധ്യതയുണ്ട്. വിവാഹം അല്ലെങ്കില്‍ വീട് നിര്‍മ്മാണം തുടങ്ങിയ കാര്യങ്ങളെക്കുറിച്ചുള്ള ചര്‍ച്ചകള്‍ ഗൗരവകരമായേക്കാം.അവിവാഹിതര്‍: നിങ്ങളുടെ പഴയകാല ബന്ധത്തിലുള്ള ഒരാള്‍, കൂടുതല്‍ പക്വതയോടെയും ഗൗരവകരമായ ഒരു ബന്ധത്തിന് തയ്യാറായിക്കൊണ്ടും തിരികെ വന്നേക്കാം.
ഇടവം (ഏപ്രില്‍ 20 - മേയ് 20)
ദമ്പതികള്‍: പഴയ ചില ശീലങ്ങള്‍ നിസ്സാരമായ തര്‍ക്കങ്ങള്‍ക്ക് കാരണമായേക്കാം. എന്നാല്‍, നിങ്ങള്‍ തമ്മിലുള്ള ശക്തമായ ബന്ധം പ്രശ്‌നങ്ങള്‍ പരിഹരിക്കാനും സമാധാനം വീണ്ടെടുക്കാനും സഹായിക്കും.അവിവാഹിതര്‍: മുന്‍ പങ്കാളി നിങ്ങളെ ബന്ധപ്പെടാന്‍ ശ്രമിച്ചേക്കാം, അല്ലെങ്കില്‍ ജോലിസ്ഥലത്ത് ആകര്‍ഷകമായ ഒരാള്‍ നിങ്ങളോട് അടുക്കാന്‍ ശ്രമിച്ചേക്കാം; എന്നാല്‍ മുന്നറിയിപ്പ് നല്‍കുന്ന സൂചനകള്‍ ശ്രദ്ധിക്കാന്‍ മറക്കരുത്.
മിഥുനം (മേയ് 21 - ജൂണ്‍ 20)
ദമ്പതികള്‍: ജോലിഭാരവും മറ്റ് ഉത്തരവാദിത്തങ്ങളും കാരണം നിങ്ങള്‍ ക്ഷീണിതരായേക്കാം. ഉത്തരവാദിത്തങ്ങള്‍ എങ്ങനെ പങ്കിടാം എന്നതിനെക്കുറിച്ച് ചര്‍ച്ച ചെയ്ത് പുനഃക്രമീകരിക്കുക.അവിവാഹിതര്‍: തിരക്കേറിയ ജീവിതശൈലിയും ഉയര്‍ന്ന പ്രതീക്ഷകളും പ്രണയത്തിന് സമയം കണ്ടെത്താന്‍ തടസ്സമായേക്കാം. അതിനാല്‍, പ്രണയജീവിതം തല്‍ക്കാലം ശാന്തമായി തുടരാന്‍ സാധ്യതയുണ്ട്.
കര്‍ക്കടകം (ജൂണ്‍ 21 - ജൂലൈ 22)
ദമ്പതികള്‍: വിവാഹനിശ്ചയം, വിവാഹം, അല്ലെങ്കില്‍ കുടുംബങ്ങള്‍ തമ്മിലുള്ള കൂടിക്കാഴ്ച എന്നിവയെക്കുറിച്ചുള്ള ചര്‍ച്ചകളിലൂടെ ബന്ധം അടുത്ത ഘട്ടത്തിലേക്ക് നീങ്ങിയേക്കാം.അവിവാഹിതര്‍: പ്രായത്തില്‍ മുതിര്‍ന്ന ഒരു സുഹൃത്ത് നിങ്ങള്‍ക്ക് അനുയോജ്യനായ ഒരാളെ കണ്ടെത്തിത്തരാന്‍ സഹായിച്ചേക്കാം.
ചിങ്ങം (ജൂലൈ 23 - ഓഗസ്റ്റ് 22)
ദമ്പതികള്‍: സാമ്പത്തിക കാര്യങ്ങളിലെ രഹസ്യങ്ങളോ വഞ്ചനയോ പുറത്തുവന്നേക്കാം. ഇത് മൗനത്തിനും, വേദനിപ്പിക്കുന്ന വാക്കുകള്‍ക്കും, സംഘര്‍ഷങ്ങള്‍ക്കും വഴിവെച്ചേക്കാം. അവിവാഹിതര്‍: നിങ്ങള്‍ക്ക് ഇഷ്ടപ്പെട്ട ഒരാള്‍ ഇതിനകം മറ്റൊരു ബന്ധത്തിലായിരിക്കാം, അല്ലെങ്കില്‍ അവര്‍ക്ക് വൈകാരികമായ പ്രശ്‌നങ്ങള്‍ ഉണ്ടാകാം, അതുമല്ലെങ്കില്‍ അവര്‍ക്ക് നിങ്ങളില്‍ നിന്ന് വ്യത്യസ്തമായ എന്തെങ്കിലും ആയിരിക്കാം ആവശ്യം.
കന്നി (ഓഗസ്റ്റ് 23 - സെപ്റ്റംബര്‍ 22)
ദമ്പതികള്‍: ചെലവഴിക്കുന്ന രീതിയിലുള്ള അഭിപ്രായവ്യത്യാസങ്ങളോ, അനാവശ്യമായ അസൂയയോ (ഇല്ലാത്ത കാര്യങ്ങളെച്ചൊല്ലിയുള്ള സംശയങ്ങള്‍) പ്രശ്‌നങ്ങള്‍ക്ക് കാരണമായേക്കാം.അവിവാഹിതര്‍: കഴിഞ്ഞുപോയ കാര്യങ്ങളെക്കുറിച്ച് അമിതമായി ചിന്തിക്കുന്നത് അവസാനിപ്പിക്കുക. പ്രണയം ഉടന്‍ വന്നില്ലെങ്കിലും, സ്വയം സ്‌നേഹിക്കുന്നതില്‍ ശ്രദ്ധ കേന്ദ്രീകരിക്കുക.
തുലാം (സെപ്റ്റംബര്‍ 23 - ഒക്ടോബര്‍ 22)
ദമ്പതികള്‍: നിങ്ങളുടെ പങ്കാളി നിങ്ങളുടെ പേഴ്‌സണല്‍ അസിസ്റ്റന്റ് അല്ലെന്ന് ഓര്‍ക്കുക. അമിതമായ ആധിപത്യം കാണിക്കുന്നതോ നിര്‍ബന്ധബുദ്ധിയോടെ പെരുമാറുന്നതോ ഒഴിവാക്കുക; ഇത് വഴക്കുകള്‍ക്കും സന്തോഷകരമായ നിമിഷങ്ങള്‍ നഷ്ടപ്പെടുന്നതിനും കാരണമായേക്കാം.അവിവാഹിതര്‍: ഒരു പാര്‍ട്ടിക്കിടയില്‍ ഒരാളുമായി നിങ്ങള്‍ക്ക് പ്രത്യേക അടുപ്പം തോന്നിയേക്കാം. പഴയ പരിചയത്തിലുള്ള ഒരാള്‍ കൂടുതല്‍ ആകര്‍ഷകമായ രൂപത്തില്‍ തിരികെ വന്നേക്കാം.
വൃശ്ചികം (ഒക്ടോബര്‍ 23 - നവംബര്‍ 21)
ദമ്പതികള്‍: തിരക്കേറിയ ജീവിതശൈലി കാരണം ഒരുമിച്ച് ചെലവഴിക്കാന്‍ സമയം കുറഞ്ഞേക്കാം. എന്നാല്‍ ഇത് പരസ്പരം കൂടുതല്‍ മിസ്സ് ചെയ്യാനും, നിലവിലുള്ള പ്രശ്‌നങ്ങള്‍ ഇല്ലാതാകാനും സഹായിക്കും.അവിവാഹിതര്‍: പുതിയ പ്രണയബന്ധങ്ങള്‍ ഉടന്‍ ഉണ്ടായെന്നു വരില്ല. നല്ലൊരു ബന്ധം വളര്‍ന്നു വരാന്‍ സമയമെടുത്തേക്കാം.
ധനു (നവംബര്‍ 22 - ഡിസംബര്‍ 21)
ദമ്പതികള്‍: സുഹൃത്തുക്കളില്‍ നിന്നുള്ള ക്ഷണം ഒരു രസകരമായ യാത്രയ്ക്കോ പുതിയ അനുഭവത്തിനോ വഴിയൊരുക്കിയേക്കാം. നിങ്ങള്‍ നീട്ടിവെച്ച ഒരു പദ്ധതി നടപ്പിലാക്കാന്‍ സാധിച്ചേക്കും.അവിവാഹിതര്‍: സുഹൃത്തുക്കള്‍, സോഷ്യല്‍ മീഡിയ, യാത്രകള്‍, അല്ലെങ്കില്‍ ദൂരെയുള്ള ആരെങ്കിലും വഴി അപ്രതീക്ഷിതമായ ഒരു പ്രണയബന്ധം ഉടലെടുത്തേക്കാം.
മകരം (ഡിസംബര്‍ 22 - ജനുവരി 19)
ദമ്പതികള്‍: പ്രണയാന്തരീക്ഷം തിരികെ വന്നേക്കാം, എന്നാല്‍ വാക്കുകള്‍ ഉപയോഗിക്കുമ്പോള്‍ ശ്രദ്ധിക്കുക; പഴയ പ്രശ്‌നങ്ങള്‍ വീണ്ടും ചര്‍ച്ചയാകുന്നത് വഴക്കിന് കാരണമായേക്കാം. അവിവാഹിതര്‍: തൊഴിലിടത്തിലുള്ള ഒരാളോട് നിങ്ങള്‍ക്ക് താല്‍പ്പര്യമുണ്ടാകാം; അവര്‍ക്കും നിങ്ങളോട് അതേ വികാരം തന്നെയായിരിക്കും.
കുംഭം (ജനുവരി 20 - ഫെബ്രുവരി 18)
ദമ്പതികള്‍: നിങ്ങള്‍ക്കിടയിലുള്ള പ്രശ്‌നങ്ങള്‍ പരിഹരിക്കപ്പെടുകയോ, പരസ്പരമുള്ള വ്യത്യസ്ത അഭിപ്രായങ്ങളെ അംഗീകരിച്ചുകൊണ്ട് കൂടുതല്‍ സമയം ഒരുമിച്ച് സന്തോഷത്തോടെ ചെലവഴിക്കുകയോ ചെയ്യും.അവിവാഹിതര്‍: ഒറ്റയ്ക്കായിരിക്കുന്നതില്‍ നിങ്ങള്‍ സംതൃപ്തരായിരിക്കാം. എന്നാല്‍ ആരെങ്കിലും നിങ്ങളോട് താല്‍പ്പര്യം പ്രകടിപ്പിക്കുകയോ, പഴയ ഒരാള്‍ തിരികെ വരാന്‍ ആഗ്രഹിക്കുകയോ ചെയ്താല്‍ അത്ഭുതപ്പെടേണ്ടതില്ല.
മീനം (ഫെബ്രുവരി 19 - മാര്‍ച്ച് 20)
ദമ്പതികള്‍: നിങ്ങള്‍ ആഗ്രഹിച്ച ഒരു കാര്യം നടന്നേക്കാം; ഒരു പ്രത്യേക കൂടിക്കാഴ്ചയോ അല്ലെങ്കില്‍ ഭാവിയെക്കുറിച്ചുള്ള പ്രധാനപ്പെട്ട ചര്‍ച്ചയോ നടന്നേക്കാം.അവിവാഹിതര്‍: നിങ്ങളുടെ പ്രതീക്ഷകള്‍ക്കൊത്ത ഒരാളെ കണ്ടുമുട്ടിയേക്കാം. നിങ്ങള്‍ക്ക് ഒരാളോട് താല്‍പ്പര്യമുണ്ടെങ്കില്‍, അവര്‍ക്കും നിങ്ങളോട് അതേ താല്‍പ്പര്യം തന്നെയായിരിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates