പൂരാടം ഞാറ്റുവേലയ്ക്കു തുടക്കം, മനസ്സും ശരീരവും ശുദ്ധമാക്കുക, തിരുവാതിര വ്രതാനുഷ്ഠാനം
ഡിസംബര് 29ന് രാവിലെ 6:31 ന് പൂരാടം ഞാറ്റുവേല തുടങ്ങും. തെങ്ങ്, കവുങ്ങ്, വാഴ മുതലായവയ്ക്ക് ജലസേചനം തുടങ്ങേണ്ട സമയമാണിത്. ചിലര് തിരുവാതിരയ്ക്കാണ് നേന്ത്രവാഴയ്ക്ക് നനയ്ക്കല് തുടങ്ങാറ്. ജനുവരി 3നാണ് തിരുവാതിര. ചിങ്ങമാസത്തിലെ തിരുവോണമായാലും ധനുമാസത്തിലെ തിരുവാതിരയായാലും കേരളത്തിലെ പ്രധാന ഉത്സവങ്ങളെല്ലാം പൗര്ണമി പ്രധാനങ്ങളാണ്. അര്ദ്ധനാരീശ്വര സങ്കല്പം ആ പൂര്ണതയുടെ പ്രതീകമാണിവിടെ. അതുകൊണ്ടു തന്നെയാണ് കേരളീയ ജനത ഇക്കാലത്ത് ഏഴര വെളുപ്പിനെ കുളിച്ച് മനസ്സും ശരീരവും പരിശുദ്ധമാക്കുന്ന സങ്കല്പത്തില് എല്ലാം അതിന്റെ പരിപൂര്ണതയിലെത്താന് മുറിച്ച് തുന്നിച്ചേര്ക്കാത്ത ശുഭ്രവസ്ത്രധാരികളായി ധനുമാസ തിരുവാതിര വ്രതാനുഷ്ഠാനങ്ങളിലേര്പ്പെടുന്നത്. ധനുവിന്റെ വില്ലു കുലച്ച രൂപവും നേരെ എതിരില് തിരുവാതിര നക്ഷത്രം കാണുന്ന മിഥുന രാശിയിലെ സ്ത്രീ പുരുഷ രൂപവും ചേര്ന്നാല് ധനുമാസത്തിലെ തിരുവാതിരയുടെ ചിത്രം മനസ്സിലാവും. പത്ത് ദിവസം മുമ്പെ വ്രതാനുഷ്ഠാനങ്ങളിലേര്പ്പെടുന്നവരാണ് അധികവും.
ധനുമാസത്തിലെ പുരാടം ഞാറ്റുവേല മുതല് അത് കഴിയുന്നതുവരെയുള്ള സമയത്തെ 13 ആയി ഭാഗിച്ച് ഏത് ഭാഗത്തിലാണോ മഴക്കാറ് പ്രത്യക്ഷപ്പെടുന്നത് അശ്വതി മുതല് അത്രാമത്തെ ഞാറ്റുവേലയില് നല്ല മഴ കിട്ടുമെന്നും ഒരു പറച്ചിലുണ്ട്.
വ്യാഴത്തിന്റെ വക്രാവസ്ഥ നിലനില്ക്കുന്നത് ജനുവരി 2, 3, 4 തീയതികളില് ചെറിയ ഭൂകമ്പ സാധ്യത സൂചിപ്പിക്കുന്നതാണ്. ഈ സമയം ബുധനും ശുക്രനും ചൊവ്വയ്ക്കും മൗഢ്യവും ഉണ്ട്. ഒപ്പം ശനിക്ക് വക്രം ഇല്ലാത്തത് ഭൂകമ്പം കുറയ്ക്കാനുള്ള ചെറിയ സാധ്യതയുമാണ്.
അശ്വതി, ഭരണി, കാര്ത്തിക 1-ാം പാദം
ഈ നക്ഷത്രങ്ങളില് ജനിച്ചവര്ക്ക് ഗുണദോഷമിശ്രമായ സമയമാണ്. ധനാഗമന സാധ്യതയുണ്ടെങ്കിലും അനാവശ്യമായ ചെലവുകള്ക്ക് അത്ര തന്നെ സാധ്യതയുണ്ട്. കൃഷി കാര്യങ്ങളില് ഗുണാനുഭവങ്ങള്, സഹായികളുടെ വര്ദ്ധന, വിവാഹാദിമംഗളകര്മ്മങ്ങള് എന്നിവയ്ക്കെല്ലാം യോഗമുണ്ട്.
കാര്ത്തിക 2, 3, 4 പാദങ്ങള്, രോഹിണി, മകയിരം 1, 2 പാദങ്ങള്
ഈ നക്ഷത്രക്കാര്ക്ക് ഈ സമയം ഗുണകരമാണ്. കുടുംബത്തില് മംഗളകര്മ്മങ്ങള്ക്ക് നേതൃത്വം വഹിക്കാനിടവരുക, ഭവന മാറ്റം, വിദ്യ കൊണ്ട് പ്രശസ്തി, നൂതന സാങ്കേതിക വിദ്യകളില് താല്പര്യം, ധനാഗമനം എന്നിവയ്ക്കെല്ലാം യോഗമുണ്ട്.
മകീരം 3, 4 പാദങ്ങള്, തിരുവാതിര, പുണര്തം 1, 2, 3 പാദങ്ങള്
ഈ നക്ഷത്രത്തില് ജനിച്ചവര്ക്ക് ഗുണപരമായ കാലമാണിത്. വേദാന്താദി ശാസ്ത്രപഠനങ്ങളിലേര്പ്പെട്ടവര്ക്ക് ഗുണാനുഭവങ്ങള്, സമ്പദ് സമൃദ്ധി, അധികാര പ്രാപ്തി, വാഹന ലബ്ധി, അലര്ജി മുതലായ അസുഖ സാധ്യതകള് എന്നിവയ്ക്കെല്ലാം യോഗമുണ്ട്.
പുണര്തം 4 -ാം പാദം, പൂയം, ആയില്യം
ഈ നക്ഷത്രക്കാര്ക്ക് ഗുണദോഷമിശ്ര സമയമാണ്. പൊതുപ്രവര്ത്തന രംഗത്ത് പ്രവര്ത്തിക്കുന്നവര്ക്ക് ധാരാളം ചെലവുകള്ക്ക് സാധ്യതയുണ്ട്, സാഹിത്യകാര്യങ്ങളില് താല്പര്യം, മാലിന്യപ്രശ്നങ്ങളില് ഇടപെട്ട് പരിഹരിക്കാനവസരം, ജലസംരക്ഷണ പ്രവൃത്തികളില് ശ്രദ്ധ എന്നിവയ്ക്കെല്ലാം സാധ്യതയുള്ള സമയമാണ്.
മകം, പൂരം, ഉത്രം 1-ാം പാദം
ദേശ പുരോഗതിയ്ക്കായുള്ള പ്രവര്ത്തനങ്ങളില് വളരെ താല്പര്യം പ്രകടിപ്പിക്കുന്ന സമയമാണിത്, കലാ കായിക സാംസ്കാരിക രംഗത്ത് പ്രവര്ത്തനക്ഷമത, പ്രശസ്തി എന്നിവയ്ക്കെല്ലാം യോഗമുണ്ട്. ഉണര്ന്ന് പ്രവര്ത്തിച്ചാല് ധാരാളം ഗുണാനുഭവങ്ങള്ക്ക് യോഗമുണ്ട്. വീഴ്ച, ശരീരത്തില് മുറിവുകള്, തീപ്പൊള്ളലേല്ക്കാനിടവരിക, നാല്ക്കാലികളില് നിന്ന് ഉപദ്രവം എന്നിവ ശ്രദ്ധിയ്ക്കണം.
ഉത്രം 2, 3, 4 പാദങ്ങള്, അത്തം, ചിത്ര 1, 2, പാദങ്ങള്
ഈ നക്ഷത്രക്കാര്ക്ക് പൊതുവെ ഗുണകരമായ സമയമാണ്. ഉദ്യോഗത്തില് ഉയര്ച്ച, പ്രശംസ, അധികാരലബ്ധി എന്നിവയ്ക്കും ക്രയവിക്രയങ്ങളില് താല്പര്യങ്ങള്ക്കും യോഗം കാണുന്നുണ്ട്. വിദ്യാര്ത്ഥികള്ക്കും ഗവേഷകര്ക്കും ഇത് വളരെ നല്ല സമയമാണ്.
ചിത്ര 3, 4 പാദങ്ങള്, ചോതി, വിശാഖം 1, 2, 3 നക്ഷത്രപാദങ്ങള്
ഈ നക്ഷത്രത്തില് പെട്ടവര്ക്ക് ഈ സമയം വളരെ ഗുണകരമാണ്. അധ്വാനത്തിനനുസൃതമായ ഗുണഫലം ലഭിക്കുന്ന കാലമാണിത്. സൗഭാഗ്യം, അധികാര പ്രാപ്തി, വിദ്യാഗുണം, വിദേശവാസ യോഗം എന്നിവയ്ക്കും യോഗമുള്ള സമയമാണ്.
വിശാഖം 4-ാം പാദം, അനിഴം, തൃക്കേട്ട
ഈ നക്ഷത്രക്കാര്ക്ക് ഇക്കാലം അത്ര ഗുണകരമല്ല . ചതിയേല്ക്കാനിട വരിക, ബിസിനസില് നഷ്ടം, അലസത എന്നിവയ്ക്ക് സാധ്യതയുണ്ട്. അറിയാത്ത പ്രവൃത്തികളില് ഇടപെടാതിരിക്കാന് പ്രത്യേകം ശ്രദ്ധി്ക്കണം. അലസത മാറ്റി പ്രവര്ത്തിച്ചാല് വിചാരിച്ച ഗുണഫലങ്ങള്ക്കും സാധ്യതയുണ്ട്.
മൂലം, പൂരാടം, ഉത്രാടം 1-ാം പാദം
ഇവര്ക്ക് ഇക്കാലം വളരെ ഈശ്വരാധീനമുള്ള സമയമാണ്. സംഗീത സാഹിത്യ കലാ സിനിമ രാഷ്ട്രീയ പ്രവര്ത്തനങ്ങളില് പ്രവര്ത്തിക്കുന്നവര്ക്ക് ശോഭിക്കാന് പറ്റിയ സമയമാണ്.
ഉത്രാടം 2, 3, 4 പാദങ്ങള്, തിരുവോണം, അവിട്ടം 1, 2 പാദങ്ങള്
ഇവര്ക്ക് ഗുണദോഷ സമ്മിശ്രാനുഭവങ്ങള്ക്ക് സാധ്യതയുള്ള സമയമാണ്. എങ്കിലും ശനി മുന്നില് നില്ക്കയാല് കഠിന പ്രയത്നത്തിന് തക്കതായ ഫലം കിട്ടുന്നതാണ്. ക്രയവിക്രയങ്ങളില് ലാഭം, സഹായികളുടെ വര്ദ്ധന, സുഖസമൃദ്ധമായ ജീവിതം എന്നിവയ്ക്കും യോഗമുണ്ട്. അവിചാരിതമായ നാശനഷ്ടങ്ങള്ക്ക് യോഗമുണ്ടെന്നറിഞ്ഞ് ശ്രദ്ധിച്ച് പ്രവര്ത്തിക്കേണ്ട സമയം കൂടിയാണ്.
അവിട്ടം 3, 4 പാദങ്ങള്, ചതയം, പൂരോരുട്ടാതി 1, 2, 3 പാദങ്ങള്
ഈ നക്ഷത്രക്കാര്ക്ക് പ്രായേണ നല്ല സമയമാണിത്. സന്താനങ്ങള്ക്ക് ഗുണാനുഭവങ്ങള്, ഉദ്ദിഷ്ട കാര്യ സിദ്ധി, അധികാര പ്രാപ്തി, പ്രശസ്തി എന്നിവയ്ക്കെല്ലാം യോഗമുണ്ട്. അലസത മാറ്റി അല്പം ഉണര്ന്ന് പ്രവര്ത്തിയ്ക്കേണ്ട സമയം കൂടിയാണ്.
പൂരുരുട്ടാതി 4-ാം പാദം, ഉത്രട്ടാതി, രേവതി
ഈ നക്ഷത്രക്കാര്ക്ക് ഇക്കാലം പൊതുവെ ഗുണകരമാണ്. കുടുംബൈശ്വര്യം, വസ്ത്രാഭരണ സിദ്ധി, കാര്യപ്രാപ്തി, നാടിന്റെ നന്മയ്ക്കുള്ള പ്രവര്ത്തനങ്ങള്ക്ക് നേതൃത്വം കൊടുക്കല് എന്നിവയ്ക്കും യോഗമുണ്ട്. അനാവശ്യ ചെലവുകള്, അലസത, ഉദരരോഗങ്ങള്, പാദരോഗ സാധ്യതകള്, അലര്ജി മൂലം അസുഖങ്ങള് എന്നിവയ്ക്കും യോഗമുള്ളതിനാല് ശ്രദ്ധിക്കേണ്ടതാണ്.
Weekly horoscope and astrology prediction for Dec 29- Jan 4
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
