മുംബൈ: റോയല് എന്ഫീല്ഡ് ഗോവന് ക്ലാസിക് 350 ന്റെ 2026 പതിപ്പ് ഇന്ത്യയില് പുറത്തിറക്കി. രണ്ട് ചെറിയ മാറ്റങ്ങളോടെയാണ് മോട്ടോര് സൈക്കിള് വിപണിയില് അവതരിപ്പിച്ചത്. വിലകളില് മാറ്റമില്ല. സിംഗിള്-ടോണ് നിറങ്ങളോടെ വരുന്ന മോഡലിന് 2.20 ലക്ഷം രൂപയും ഡ്യുവല്-ടോണ് കളര് ഓപ്ഷനുകള്ക്ക് 2.22 ലക്ഷം രൂപയുമാണ് വില. രണ്ടും എക്സ്- ഷോറൂം വിലയാണ്.
പുതിയ അസിസ്റ്റും സ്ലിപ്പര് ക്ലച്ചുമായാണ് 2026 ഗോവന് ക്ലാസിക് 350 വിപണിയില് എത്തിയത്. ഇത് ക്ലച്ച് സുഗമമായി ഉപയോഗിക്കാന് സഹായിക്കുന്നു. ക്ലച്ച് പെട്ടെന്ന് ഡൗണ് ചെയ്യുമ്പോള് പിന്ചക്രം ലോക്കാവുന്നത് ഒഴിവാക്കുന്ന തരത്തിലാണ് സംവിധാനം. യുഎസ്ബി ടൈപ്പ്-സി ചാര്ജിങ് പോര്ട്ട്, ഫാസ്റ്റ് ചാര്ജിങ്ങിനെ പിന്തുണയ്ക്കുന്നതിനായി അപ്ഡേറ്റ് ചെയ്തിട്ടുണ്ട്.
ഗോവന് ക്ലാസിക് 350 ന്റെ പ്രധാന ഹൈലൈറ്റ് ലോ-സ്ലംഗ് പ്രൊഫൈലും പ്രത്യേക ഡിസൈന് ഘടകങ്ങളുമുള്ള ബോബര്-പ്രചോദിത സ്റ്റൈലിങ്ങാണ്. ഫ്ലോട്ടിങ്-സ്റ്റൈല് സിംഗിള് സീറ്റ്,ഹാംഗര് ഹാന്ഡില്ബാര്, ക്രോസ്-സ്പോക്ക് ട്യൂബ്ലെസ് വീലുകള് എന്നിവയെല്ലാം ഇതിന് ഒരു വേറിട്ട ലുക്ക് നല്കുന്നു. 20.2 ബിഎച്ച്പിയും 27 എന്എമ്മും ഉല്പ്പാദിപ്പിക്കുന്ന അതേ 349 സിസി, എയര്/ഓയില്-കൂള്ഡ് എന്ജിനാണ് ബൈക്കിന് കരുത്ത് പകരുന്നത്. കൂടാതെ അഞ്ച് സ്പീഡ് ഗിയര്ബോക്സുമായി എന്ജിനെ ബന്ധിപ്പിച്ചിട്ടുണ്ട്. ഗോവന് ക്ലാസിക് 350 മുന്പത്തെപ്പോലെ തന്നെ നാല് കളര് ഓപ്ഷനുകളില് വില്പ്പന തുടരും. ഷാക്ക് ബ്ലാക്ക്, പര്പ്പിള് ഹേസ്, ട്രിപ്പ് ടീല് ഗ്രീന്, റേവ് റെഡ് എന്നിവയാണ് നാല് കളര് ഓപ്ഷനുകള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
