ന്യൂഡെല്‍ഹി: ഫഌറസെന്റ് നീല നിറത്തിലുള്ള 50 രൂപ നോട്ടുകള്‍ ഉടന്‍ പുറത്തിങ്ങും. ഇതുസംബന്ധിച്ചു റിസര്‍വ് ബാങ്ക് ഓഫ് ഇന്ത്യ പ്രഖ്യാപനം നടത്തി. മഹാത്മാഗാന്ധി സീരീസിലാണ് (പുതിയ) നോട്ടുകള്‍ പുറത്തിറക്കുക. ആര്‍ബിഐ ഗവര്‍ണര്‍ ഊര്‍ജിത് പട്ടേലിന്റെ ഒപ്പോടു കൂടിയ നോട്ടില്‍ കര്‍ണാടകയിലുള്ള ഹംപി ചരിത്ര സ്മാരകമാണ് ആലേഖനം ചെയ്തിരിക്കുന്നത്.
അതേസമയം, പുതിയ നോട്ടുകള്‍ വന്നാലും പഴയ നോട്ടുകള്‍ വിനിമയത്തില്‍ തുടരുമെന്ന് ആര്‍ബിഐ വാര്‍ത്താകുറിപ്പില്‍ വ്യക്തമാക്കി. 66 എംഎം 135 എംഎം വലിപ്പത്തിലാണ് പുതിയ 50 രൂപ നോട്ടുകള്‍. മഹാത്മാഗാന്ധി സീരിസ് -2005 അനുസരിച്ചുള്ള 50 രൂപാ നോട്ടുകള്‍ ഉടന്‍ പുറത്തിറക്കുമെന്ന് ആര്‍ബിഐ കഴിഞ്ഞ ഡിസംബറില്‍ പ്രഖ്യാപിച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
