എൻജിനീയറിങ് ബിരുദധാരികൾക്ക് എയർപോർട്ട് അതോറിറ്റിയിൽ അവസരം

എയർപോർട്ട് അതോറിറ്റി ഓഫ് ഇന്ത്യ (എ എ ഐ)യിൽ ജൂനിയർ എക്സിക്യൂട്ടീവ് ഒഴിവുകളിൽ നിയമനം നടത്തുന്നതിനായി ഔദ്യോഗിക വിജ്ഞാപനം പ്രസിദ്ധീകരിച്ചു. 976 ഒഴിവുകളാണ് റിപ്പോർട്ട് ചെയ്തിരിക്കുന്നത്. നേരിട്ടുള്ള നിയമനമാണ്‌ നടത്തുക.

തസ്തികകളും ഒഴിവുകളുടെ എണ്ണവും

ജൂനിയർ എക്സിക്യൂട്ടീവ് (ആർക്കിടെക്ചർ) - 11, ജൂനിയർ എക്സിക്യൂട്ടീവ് (എൻജിനിയറിങ്‌- സിവിൽ)- 199, ജൂനിയർ എക്സിക്യൂട്ടീവ് (എൻജിനിയറിങ്‌ - ഇലക്ട്രിക്കൽ)- 208, ജൂനിയർ എക്സിക്യൂട്ടീവ് (ഇലക്ട്രോണിക്സ്)- 527, ജൂനിയർ എക്സിക്യൂട്ടീവ് (ഇൻഫർമേഷൻ ടെക്നോളജി)- 31 എന്നിങ്ങനെയാണ്‌ ഒഴിവുകൾ ഉള്ളത്.

ബി.ആർക്ക്, ബി.ടെക്,ബിഇ,എം.സി.എ എന്നീ കോഴ്സുകൾ അംഗീകൃത യൂണിവേഴ്സിറ്റികളിൽ നിന്ന് പാസായവർക്ക് അപേക്ഷിക്കാം. പ്രായപരിധി 27 വയസ്‌. സംവരണ വിഭാഗത്തിൽ ഉൾപ്പെട്ടവർക്ക് നിയമാനുസൃത ഇളവ്‌ ലഭിക്കും. 40000 രൂപ മുതൽ പ്രതിമാസം ശമ്പളം ആയി ലഭിക്കും. ഓൺലൈനായി അപേക്ഷിക്കാനുള്ള അവസരം ഓഗസ്‌റ്റ് 28 മുതൽ ലഭ്യമാകും. അവസാന തീയതി സെപ്‌തംബർ 27. കൂടുതൽ വിവരങ്ങൾ സന്ദർശിക്കുക www.aai.aero.com