ഐടിഐ കഴിഞ്ഞവർക്ക് അവസരം, ഭാരത് ഹെവി ഇലക്ട്രിക്കൽസിൽ 515 ഒഴിവുകൾ !

കേന്ദ്ര പൊതുമേഖലാ സ്ഥാപനമായ ഭാരത് ഹെവി ഇലക്ട്രിക്കൽസ് ലിമിറ്റഡിൽ അവസരം. അകെ 515 ഒഴിവുകൾ ആണ് ഉള്ളത്. തമിഴ്‌നാട് ഉൾപ്പെടെയുള്ള വിവിധ സംസ്ഥാനങ്ങളിൽ ആണ് ഒഴിവുകൾ. ഐടിഐ കഴിഞ്ഞവർക്ക് അപേക്ഷിക്കാം. അപേക്ഷകൾ സമർപ്പിക്കേണ്ട അവസാന തീയതി സെപ്റ്റംബർ 12.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

ട്രേഡ് - ഒഴിവുകൾ

• ഫിറ്റർ : 176 ഒഴിവുകൾ

• മെഷീനിസ്റ്റ് : 104 ഒഴിവുകൾ

• വെൽഡർ : 97 ഒഴിവുകൾ

• ഇലക്ട്രീഷ്യൻ: 65 ഒഴിവുകൾ

• ടർണർ (Turner): 51 ഒഴിവുകൾ

• ഇലക്ട്രോണിക്സ് മെക്കാനിക് : 18 ഒഴിവുകൾ

• ഫൗണ്ടറിമാൻ : 4 ഒഴിവുകൾ

യോഗ്യതാ മാനദണ്ഡങ്ങൾ

വിദ്യാഭ്യാസ യോഗ്യത: പത്താം ക്ലാസ്സ് പാസ്സായിരിക്കണം + ബന്ധപ്പെട്ട ട്രേഡിൽ ഐ.ടി.ഐ (ITI/NTC) + നാഷണൽ അപ്രന്റീസ്ഷിപ്പ് സർട്ടിഫിക്കറ്റ് (NAC) ഉണ്ടായിരിക്കണം.

കുറഞ്ഞ മാർക്ക്: ജനറൽ/ഒ.ബി.സി വിഭാഗക്കാർക്ക് ഐ.ടി.ഐ-യിലും NAC-യിലും 60% മാർക്കും, എസ്.സി/എസ്.ടി വിഭാഗക്കാർക്ക് 55% മാർക്കും ഉണ്ടായിരിക്കണം.

പ്രായപരിധി (2025 ജൂലൈ 1 അനുസരിച്ച്): ജനറൽ/ഇ.ഡബ്ല്യു.എസ് - 27 വയസ്സ്, ഒ.ബി.സി - 30 വയസ്സ്, എസ്.സി/എസ്.ടി - 32 വയസ്സ്. പ്രവൃത്തിപരിചയമുള്ളവർക്ക് 7 വയസ്സ് വരെ ഇളവ് ലഭിക്കും.

ശമ്പളവും സർവീസ് ബോണ്ടും

• ആദ്യ വർഷം: ഒരു വർഷത്തേക്ക് താൽക്കാലിക ജീവനക്കാരായിട്ടായിരിക്കും നിയമനം.

• വിജയകരമായി കാലാവധി പൂർത്തിയാക്കിയാൽ ആർട്ടിസാൻ ഗ്രേഡ്-IV ആയി സ്ഥിരപ്പെടുത്തും. ശമ്പള സ്കെയിൽ: 29,500 രൂപ മുതൽ 65,000 രൂപ വരെ.

• തെരഞ്ഞെടുക്കപ്പെടുന്നവർ ജോലിയിൽ പ്രവേശിച്ച തീയതി മുതൽ കുറഞ്ഞത് 20 വർഷമെങ്കിലും അനുവദിച്ച യൂണിറ്റിൽ തന്നെ ജോലി ചെയ്യണം. ഈ കാലയളവിൽ സ്ഥലംമാറ്റം അനുവദിക്കില്ല.

തെരഞ്ഞെടുപ്പ് പ്രക്രിയ & പരീക്ഷാ രീതി

• ഘട്ടം 1 (CBE): 100 മാർക്കിനുള്ള കംപ്യുട്ടർ അധിഷ്ഠിത പരീക്ഷ.

• ഘട്ടം 2 (Skill Test): പരീക്ഷയിലെ മാർക്കിന്റെ അടിസ്ഥാനത്തിൽ 1:5 എന്ന അനുപാതത്തിൽ ഉദ്യോഗാർത്ഥികളെ സ്കിൽ ടെസ്റ്റിനായി തെരഞ്ഞെടുക്കും.

• പരീക്ഷാ ഭാഷ: ഇംഗ്ലീഷ്, ഹിന്ദി കൂടാതെ തിരഞ്ഞെടുക്കുന്ന യൂണിറ്റുകൾക്ക് അനുസരിച്ച് തമിഴ്, തെലുങ്ക്, കന്നഡ എന്നീ പ്രാദേശിക ഭാഷകളിലും പരീക്ഷ എഴുതാം.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://careers.bhel.in/ar_2025/BHEL%20Employment%20News%20AD_Artisans%202025_English.pdf