ബോബ് കാപ്സിൽ മാനേജർ, സീനിയർ മാനേജർ തസ്തികളിൽ ഒഴിവ്, ജനുവരി 31 വരെ അപേക്ഷിക്കാം

ബാങ്ക് ഓഫ് ബറോഡയുടെ പൂർണ ഉടമസ്ഥതയിലുള്ള സ്ഥാപനമായ ബിഒബി കാപ്പിറ്റൽ മാർക്കറ്റ്സ് ലിമിറ്റഡി (ബോബ് കാപ്സ്- BOBCAPS)ൽ സീനിയർ മാനേജർ, മാനേജർ, തുടങ്ങി വിവിധ തസ്തികകളിലെ ഒഴിവുകളിലേക്ക് അപേക്ഷ ക്ഷണിച്ചു.

ഇൻസ്റ്റിറ്റ്യൂഷണൽ ഇക്വിറ്റി / ഡിഎംഎ / ഡെറിവേറ്റീവ് സെയിൽസ് ട്രേഡർ,മാനേജർ/സീനിയർ മാനേജർ - കോർപ്പറേറ്റ് അക്‌സസ്,ഹെഡ് - റീട്ടെയിൽ ബ്രോക്കിങ് - സെയിൽസ് ആൻഡ് അക്വിസിഷൻ,സീനിയർ മാനേജർ - ഇൻവെസ്റ്റ്‌മെന്റ് ബാങ്കിങ് (ഡെറ്റ് റീസ്ട്രക്ചറിങ്),മാനേജർ– ഫിനാൻസ് ആൻഡ് അക്കൗണ്ട്സ്,എസ്‌വിപി/വിപി – ബിസിനസ് ഹെഡ് ടിഇവി ആൻഡ് പ്രോജക്ട് അപ്രൈസൽ സർവീസസ്,എസ്‌എം/എവിപി – ടിഇവി ആൻഡ് പ്രോജക്ട് അപ്രൈസൽ എന്നീ തസ്തികയിലുള്ള ഒഴിവുകളിലേക്കാണ് അപേക്ഷ ക്ഷണിച്ചിട്ടുള്ളത്.

ചില തസ്തികകളിലേക്കുള്ള അടിസ്ഥാന യോഗ്യത ബിരുദമാണ്.മറ്റ് ചിലതിന് പ്രൊഫഷണൽ ബിരുദങ്ങളും ആവശ്യമാണ്. യോഗ്യതയുള്ള താൽപ്പര്യമുള്ള ഉദ്യോഗാർത്ഥികൾക്ക് ബോബ്കാപ്സി​ന്റെ ഔദ്യോഗിക വെബ് സൈറ്റ് വഴി അപേക്ഷ സമർപ്പിക്കാം.

ശമ്പളവും മറ്റ് വ്യവസ്ഥകളും അഭിമുഖ വേളയിൽ നിശ്ചയിക്കും. യോഗ്യത, പരിചയം എന്നിവ കണക്കിലെടുത്തായിരിക്കും ഇക്കാര്യങ്ങൾ. ഉയർന്ന പ്രായപരിധി നിശ്ചയിച്ചിട്ടില്ല.

ഇൻസ്റ്റിറ്റ്യൂഷണൽ ഇക്വിറ്റി / ഡിഎംഎ / ഡെറിവേറ്റീവ് സെയിൽസ് ട്രേഡർ

യോഗ്യത: ബിരുദം, ഇന്ത്യയിലെയോ വിദേശത്തുള്ള അംഗീകൃത സർവകലാശാലകളിൽ നിന്നോ എംബിഎ / സിഎഫ്എ / സിഎ അല്ലെങ്കിൽ തത്തുല്യയോഗ്യതയോ ഉള്ളവർക്ക് മുൻഗണന.

മാനേജർ/സീനിയർ മാനേജർ - കോർപ്പറേറ്റ് അക്‌സസ്

യോഗ്യത:ബിരുദം, ഇന്ത്യയിലെയോ വിദേശത്തുള്ള അംഗീകൃത സർവകലാശാലകളിൽ നിന്നോ എംബിഎ / സിഎഫ്എ / സിഎ അല്ലെങ്കിൽ തത്തുല്യ യോഗ്യതയോ ഉള്ളവർക്ക് മുൻഗണന.

ഹെഡ് - റീട്ടെയിൽ ബ്രോക്കിങ് - സെയിൽസ് ആൻഡ് അക്വിസിഷൻ

യോഗ്യത: അംഗീകൃത സർവകലാശാലകളിൽ നിന്ന് ബിരുദാനന്തര ബിരുദം . സിഎ , എംബിഎ, അഡ്വാൻസ്ഡ് ബിരുദം ഉള്ളവർക്ക് മുൻഗണന.

സീനിയർ മാനേജർ - ഇൻവെസ്റ്റ്‌മെന്റ് ബാങ്കിങ് (ഡെറ്റ് റീസ്ട്രക്ചറിങ്)

ഇന്ത്യയിലെയോ വിദേശത്തെ അംഗീകൃത സ്ഥാപനങ്ങളിൽ നിന്നോ സിഎ / എംബിഎ / സിഎഫ്എ അല്ലെങ്കിൽ തത്തുല്യമായ യോഗ്യത.

മാനേജർ– ഫിനാൻസ് ആൻഡ് അക്കൗണ്ട്സ്

യോഗ്യത: സെമി ക്വാളിഫൈഡ് സിഎ അല്ലെങ്കിൽ എംകോം

എസ്‌വിപി/വിപി – ബിസിനസ് ഹെഡ് ടിഇവി ആൻഡ് പ്രോജക്ട് അപ്രൈസൽ സർവീസസ്

യോഗ്യത: പ്രമുഖ സ്ഥാപനത്തിൽ നിന്നുള്ള എൻജിനീയറിങ് ബിരുദവും എംബിഎയും

എസ്‌എം/എവിപി – ടിഇവി ആൻഡ് പ്രോജക്ട് അപ്രൈസൽ

യോഗ്യത:പ്രമുഖ സ്ഥാപനത്തിൽ നിന്ന് എൻജിനീയറിങ് ബിരുദം,സിഎ / എംബിഎ,

അപേക്ഷാ ഫോം സമർപ്പിക്കാനുള്ള അവസാന തീയതി :ജനുവരി 31 (31-01-2026) ആണ്. careers@bobcaps.in എന്ന ഇ മെയിൽ വിലാസത്തിൽ തസ്തികയുടെ പേര് സബജ്ക്ട് ലൈനിൽ രേഖപ്പെടുത്തി വേണം അപേക്ഷ സമർപ്പിക്കേണ്ടത്.