കേന്ദ്ര ടെക്സ്റ്റൈൽ മന്ത്രാലയത്തിന് കീഴിലുള്ള സെൻട്രൽ സിൽക്ക് ബോർഡിൽ പ്രീ-കൊക്കൂൺ സെക്ടറിൽ വിവിധ വിഭാഗങ്ങളിൽ സയന്റിസ്റ്റ് തസ്തികകളിലേക്ക് നിയമനം നടത്തുന്നതിന് ബോർഡ് അപേക്ഷ ക്ഷണിച്ചു.
ശാസ്ത്രവിഷയങ്ങളിൽ ബിരുദാനന്തര ബിരുദമാണ് (എം എസ് സി) അടിസ്ഥാന യോഗ്യത. സയന്റിസ്റ്റ്-ബി (പ്രീ-കൊക്കൂൺ സെക്ടർ) തസ്തികയിലാണ് ഒഴിവുകളുള്ളത്. 36 ഒഴിവുകളിൽ നിയമനം നടത്താനാണ് വിജ്ഞാപനം പുറപ്പെടുവിച്ചിരിക്കുന്നത്.
നിർദ്ദിഷ്ട വിഷയങ്ങളിൽ അടിസ്ഥാനയോഗ്യതയും മറ്റ് യോഗ്യതാ ആവശ്യകതളും നിറവേറ്റുവന്നവർക്ക് അപേക്ഷ സമർപ്പിക്കാം. ഓൺലൈനായി അപേക്ഷ സമർപ്പിക്കാനുള്ള അവസാന തീയതി മാർച്ച് 31 ആണ്.
കേന്ദ്ര ടെക്സ്റ്റൈൽ മന്ത്രാലയത്തിന് കീഴിലുള്ള ഏറ്റവും പഴക്കമേറിയ സ്ഥാപനങ്ങളിലൊന്നാണ് സിൽക്ക് ബോർഡ്. 1948 ലാണ് സിൽക്ക് ബോർഡ് സ്ഥാപിതമായത്.
തസ്തികയുടെ പേര് സയന്റിസ്റ്റ്-ബി (പ്രീ-കൊക്കൂൺ സെക്ടർ)
യോഗ്യത അംഗീകൃത സർവകലാശാലയിൽ നിന്ന് സയൻസ് അല്ലെങ്കിൽ അഗ്രികൾച്ചറൽ സയൻസസിൽ ബിരുദാനന്തര ബിരുദമുള്ളവർക്ക് അപേക്ഷിക്കാം. ICAR AICE-JRF/SRF (Ph.D.) - 2025 പരീക്ഷ എഴുതിയിരിക്കണം. അതിലെ സ്കോർ മാനദണ്ഡമാകും.
ഉയർന്ന പ്രായപരിധി : 35 വയസ്സ് ( 2026 മാർച്ച് 31 അടിസ്ഥാനമാക്കി)
സർക്കാർ ജീവനക്കാർ/സർക്കാർ സ്വയംഭരണ സ്ഥാപനങ്ങളിലെയോ പൊതുമേഖലാ സ്ഥാപനങ്ങളിലെയോ ജീവനക്കാർക്ക് ഉയർന്ന പ്രായപരിധിയിൽ അഞ്ച് വർഷം ഇളവ് ലഭിക്കും
മറ്റ് അർഹരായ വിഭാഗങ്ങൾക്ക് നിയമാനുസൃതമായ ഇളവ് ഉയർന്ന പ്രായപരിധിയിൽ ലഭിക്കും.
തസ്തികകളുടെ എണ്ണം 36
ശമ്പളം 56,100-1,77,500 രൂപയും മറ്റ് അലവൻസുകളും
അപേക്ഷാ ഫീസ് : 1000 രൂപ
സ്ത്രീകൾ, പട്ടികജാതി, പട്ടിക വർഗ വിഭാഗങ്ങൾ, ഭിന്നശേഷിക്കാർ എന്നിവർ അപേക്ഷാ ഫീസ് നൽകേണ്ടതില്ല.
ഓൺലൈനായി അപേക്ഷ സമർപ്പിക്കേണ്ട അവസാന തീയതി മാർച്ച് 31
അപേക്ഷ സമർപ്പിക്കാനുള്ള ലിങ്ക് ഇവിടെ കാണാം
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
