കൊച്ചിൻ ഷിപ്‌യാർഡിൽ ഓഫീസർ ഒഴിവ്; ഡിപ്ലോമക്കാർക്ക് അവസരം, ശമ്പളം 43,750 രൂപ

കൊച്ചിൻ ഷിപ്‌യാർഡ് ലിമിറ്റഡിൽ ഓഫീസർ (സ്കിൽ ഡെവലപ്‌മെന്റ്) തസ്തികയിൽ കരാർ അടിസ്ഥാനത്തിൽ നിയമനം നടത്തുന്നു. ആകെ 2 ഒഴിവുകളാണ് ഉള്ളത്. മെക്കാനിക്കൽ എഞ്ചിനീയറിങ്ങിൽ മൂന്ന് വർഷത്തെ ഡിപ്ലോമ യോഗ്യതയുള്ളവർക്ക് അപേക്ഷിക്കാം. അപേക്ഷകൾ സമർപ്പിക്കേണ്ട അവസാന തീയതി ഒക്ടോബർ 1.

യോഗ്യത

മെക്കാനിക്കൽ എഞ്ചിനീയറിങ്ങിൽ മൂന്ന് വർഷത്തെ ഡിപ്ലോമ.

സർക്കാർ ഐ.ടി.ഐകൾ, റീജിയണൽ ഇൻസ്ട്രക്ഷൻ സെന്ററുകൾ എന്നിവിടങ്ങളിൽ ഇൻസ്‌പെക്ടർ ഓഫ് ട്രെയിനിങ്, പ്രിൻസിപ്പൽ ക്ലാസ് I/വൈസ് പ്രിൻസിപ്പൽ, പ്രിൻസിപ്പൽ ക്ലാസ് II, ട്രെയിനിങ് ഓഫീസർ, ട്രേഡ് ടെസ്റ്റ് ഓഫീസർ തുടങ്ങിയ തസ്തികകളിൽ പ്രവൃത്തിപരിചയമുള്ളവരായിരിക്കണം.

അപ്രന്റീസ്ഷിപ്പ് ട്രെയിനിങ് സംബന്ധമായ കാര്യങ്ങളിൽ പരിചയമുള്ളവർക്ക് മുൻഗണന ലഭിക്കും. കംപ്യുട്ടർ അധിഷ്ഠിത സംവിധാനത്തിൽ ജോലി ചെയ്ത പരിചയവും അഭികാമ്യമാണ്.

അപേക്ഷകരുടെ പ്രായം 62 വയസിൽ കവിയരുത്. അപേക്ഷകർ 1964 ഒക്ടോബർ 2നോ അതിന് ശേഷമോ ജനിച്ചവരായിരിക്കണം.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക.

കാലാവധി & ശമ്പളം

തസ്തികയിലെ കരാർ കാലാവധി 5 വർഷമാണ്. ആദ്യ വർഷം പ്രതിമാസം 43,750 ഏകീകൃത ശമ്പളം ലഭിക്കും. തുടർന്നുള്ള വർഷങ്ങളിൽ വാർഷിക വർധനയും ഉണ്ടായിരിക്കും.

തിരഞ്ഞെടുപ്പ്

അഭിമുഖം വഴിയാണ് ഉദ്യോഗാർഥികളെ തിരഞ്ഞെടുക്കുന്നത്. അഭിമുഖത്തിന് 100 മാർക്കാണ്. ലഭിക്കുന്ന അപേക്ഷകളുടെ എണ്ണം അനുസരിച്ച് യോഗ്യതാ സർട്ടിഫിക്കറ്റുകൾ പരിശോധിച്ച് ഉദ്യോഗാർഥികളെ ഷോർട്ട്‌ലിസ്റ്റ് ചെയ്യും. അതിന് ശേഷമാകും അഭിമുഖത്തിന് ക്ഷണിക്കുക.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://cochinshipyard.in/uploads/career/1a6571482ee60691f1a16132de53b8fe.pdf