കൊച്ചിൻ ഷിപ്പ്‌യാർഡിൽ മെഡിക്കൽ ഓഫീസർ, വാക്ക് ഇൻ ഇ​ന്റർവ്യൂ മാർച്ച് 10 ന്; എംബിബിഎസ് ബിരുദം ഉള്ളവർക്ക് പങ്കെടുക്കാം

കൊച്ചിൻ ഷിപ്പ്‌യാർഡ് ലിമിറ്റഡി (സിഎസ്എൽ -CSL)ൽ മെഡിക്കൽ ഓഫീസർ തസ്തികകളിലേക്ക് നിയമനം നടത്തുന്നതിനായി ഔദ്യോഗിക വിജ്ഞാപനം പുറപ്പെടുവിച്ചു.

എംബിബിഎസ് ബിരുദം പ്രവൃത്തി പരിചയം എന്നിവയുള്ളവർക്ക് അപേക്ഷിക്കാം. അഭിമുഖത്തിലൂടെയാണ് തെരഞ്ഞെടുപ്പ്. 64 വയസുവരെ പ്രായമുള്ളവർക്ക് വാക്ക് ഇൻ ഇ​ന്റർവ്യൂവിൽ പങ്കെടുക്കാം.

താൽപ്പര്യമുള്ള ഉദ്യോഗാർത്ഥികൾ നിർദ്ദിഷ്ട മാതൃകയിലുള്ള അപേക്ഷ ഫോമിൽ വേണം അപേക്ഷ സമർപ്പിക്കേണ്ടത്.

യോഗ്യത, പ്രവൃത്തി പരിചയം, പ്രായപരിധി എന്നിവ അറിയാം

കൊച്ചിൻ ഷിപ്പ്‌യാർഡ് ലിമിറ്റഡ് (CSL)

തസ്തികയുടെ പേര്: മെഡിക്കൽ ഓഫീസർ

പരമാവധി പ്രായപരിധി: 64 വയസ്സ്

യോഗ്യത :അംഗീകൃത സർവകലാശാലയിൽ നിന്നുള്ള എംബിബിഎസ് ബിരുദം അല്ലെങ്കിൽ തത്തുല്യം

മെഡിക്കൽ കൗൺസിൽ ഓഫ് ഇന്ത്യ / സ്റ്റേറ്റ് മെഡിക്കൽ കൗൺസിലിൽ സാധുവായ രജിസ്ട്രേഷൻ

മലയാളത്തിൽ പരിജ്ഞാനം.

ഇന്റേൺഷിപ്പിന് ശേഷം സർക്കാർ ആശുപത്രി / പൊതുമേഖലാ സ്ഥാപനം / സായുധ സേന / ഇഎസ്ഐ ആശുപത്രി / സ്വകാര്യ ആശുപത്രി എന്നിവിടങ്ങളിൽ എവിടെയെങ്കിലും കുറഞ്ഞത് രണ്ട് വർഷത്തെ ക്ലിനിക്കൽ പരിചയം.

വാക്ക്-ഇൻ ഇന്റർവ്യൂ തീയതി : മാർച്ച് 10

വാക്ക്-ഇൻ ഇന്റർവ്യൂ സമയം : രാവിലെ 08.30 മുതൽ ഉച്ചയ്ക്ക് രണ്ട് മണിവരെ

വാക്ക്-ഇൻ ഇന്റർവ്യൂവിന് എത്തിച്ചേരേണ്ട വിലാസം:

Competency Development Centre (CDC)

Near Perumanoor Gate (Thevara)

Cochin Shipyard Limited

Kochi – 682 015

ഒഴിവുകളുടെ എണ്ണം, ശമ്പളം, അപേക്ഷ ഫോം മാതൃക

ഒഴിവുകളുടെ എണ്ണം : മൂന്ന് ( ഒഴിവുകളിൽ ഒന്ന് പട്ടികജാതി വിഭാഗത്തിനായി സംവരണം ചെയ്തിരിക്കുന്നു)

ശമ്പളം :75,000 രൂപ സമാഹൃതം (യോഗ്യതയുടെ അടിസ്ഥാനത്തിൽശമ്പളത്തിൽ വർദ്ധനവ് ലഭിക്കാം) വാർഷികമായ ശമ്പള വർദ്ധനവ് ഉണ്ടാകും.

നിയമന രീതി: കരാർ അടിസ്ഥാനത്തിലായിരിക്കും നിയമനം. അഞ്ച് വർഷത്തേക്കാണ് കരാർ. കരാർ കാലാവധി ആവശ്യകതയെ അടിസ്ഥാനമാക്കി വ്യത്യാസപ്പെടാം.

ഹാജരാക്കേണ്ട രേഖകൾ : ഉദ്യോഗാർത്ഥികൾ എല്ലാ ഒറിജിനൽ രേഖകളും, സ്വയം സാക്ഷ്യപ്പെടുത്തിയ ഫോട്ടോകോപ്പികളും, സമീപകാല പാസ്‌പോർട്ട് സൈസ് ഫോട്ടോഗ്രാഫുകളും സഹിതം വാക്ക്-ഇൻ ഇന്റർവ്യൂവിന് ഹാജരാകാണം.

വിശദമായ വിജ്ഞാപനം ഇവിടെ വായിക്കാം

അപേക്ഷാ ഫോം മാതൃക ലഭിക്കാൻ ഇവിടെ ക്ലിക്ക് ചെയ്യുക