കുസാറ്റ്: റിസർച്ച് ഫെലോയുടെ ഒഴിവിലേക്ക് അഭിമുഖം

കൊച്ചി: കൊച്ചി ശാസ്ത്ര സാങ്കേതിക സർവകലാശാലയിലെ (കുസാറ്റ്) ബയോടെക്‌നോളജി വകുപ്പിൽ വിവിധ തസ്തികകളിലേക്ക് വാക്ക് ഇൻ ഇന്റർവ്യൂ നടത്തുന്നു. ജൂനിയർ റിസർച്ച് ഫെലോ (JRF), സീനിയർ റിസർച്ച് ഫെലോ (SRF), പ്രൊജക്റ്റ് സയന്റിസ്റ്റ് II എന്നീ തസ്തികകളിലേക്കാണ് വാക്ക്-ഇൻ ഇന്റർവ്യൂ നടത്തുന്നത്.

ജൂനിയർ റിസർച്ച് ഫെലോ

സി എസ് ഐ ആർ -യു ജി സി നെറ്റ് /ഗേറ്റോടുകൂടി ബയോടെക്‌നോളജി/മൈക്രോബയോളജി വിഷയങ്ങളിൽ എം എസ് സി/ എം.ടെക് ആണ് ജൂനിയർ റിസർച്ച് ഫെലോ തസ്തികയിലേക്കുള്ള യോഗ്യത. വാക്ക്-ഇൻ ഇന്റർവ്യൂ ഡിസംബർ 17ന് കുസാറ്റ് ബയോടെക്‌നോളജി വകുപ്പിൽ രാവിലെ 9:30ക്ക് നടക്കും.

സീനിയർ റിസർച്ച് ഫെലോ

സി എസ് ഐ ആർ- യു ജി സി നെറ്റ് /ഗേറ്റോടുകൂടി ബയോടെക്‌നോളജി/മൈക്രോബയോളജി/ബയോഇൻഫോർമാറ്റിക്സ് അല്ലെങ്കിൽ ബന്ധപ്പെട്ട വിഷയങ്ങളിൽ ബിരുദാനന്തര ബിരുദവും 2 വർഷ ഗവേഷണ പരിചയവുമാണ് സീനിയർ റിസർച്ച് ഫെലോ തസ്തികയിലേക്കുള്ള യോഗ്യത. വാക്ക്-ഇൻ ഇന്റർവ്യൂ ഡിസംബർ 17ന് കുസാറ്റ് ബയോടെക്‌നോളജി വകുപ്പിൽ ഉച്ചക്ക് 1:30ക്ക് നടക്കും.

പ്രൊജക്റ്റ് സയന്റിസ്റ്റ് II

മൈക്രോബയോളജി/മറൈൻ ബയോളജിയിൽ ബിരുദാനന്തര ബിരുദവും മറൈൻ മൈക്രോബയോളജി/ജീനോമിക്‌സ്/ബയോ ഇൻഫോമാറ്റിക്സിൽ 3 വർഷ ഗവേഷണ പരിചയവും കുറഞ്ഞത് 2 പുബ്ലിക്കേഷനുമാണ് പ്രൊജക്റ്റ് സയന്റിസ്റ്റ് II തസ്തികയിലേക്കുള്ള യോഗ്യത. വാക്ക്-ഇൻ ഇന്റർവ്യൂ ഡിസംബർ 18ന് കുസാറ്റ് ബയോടെക്‌നോളജി വകുപ്പിൽ രാവിലെ 9:30ക്ക് നടക്കും.

താല്പര്യമുള്ള ഉദ്യോഗാർത്ഥികൾ വിശദമായ ബയോഡാറ്റ, യോഗ്യത, ഗവേഷണ പരിചയം എന്നിവ തെളിയിക്കുന്ന രേഖകളുമായി വാക്ക്-ഇൻ ഇന്റർവ്യൂവിൽ പങ്കെടുക്കുക. കൂടുതൽ വിവരങ്ങൾക്ക് 9605586977 എന്ന നമ്പറിൽ ബന്ധപ്പെടുക.