ഗുരുവായൂർ ദേവസ്വം സ്കൂളിൽ അവസരം; ക്ലർക്ക്,അധ്യാപക തസ്തികയിൽ ഒഴിവുകൾ, അഭിമുഖത്തിലൂടെ നിയമനം

ഗുരുവായൂർ ദേവസ്വം ബോർഡിന് കീഴിലുള്ള ശ്രീകൃഷ്ണ ഹയർ സെക്കൻഡറി സ്കൂളിലെ (SKHSS) വിവിധ തസ്തികകളിലേക്ക് താല്ക്കാലിക നിയമനം നടത്തുന്നു. ക്ലർക്ക്,അധ്യാപക തസ്തികയിലാണ് ഒഴിവുകൾ ഉള്ളത്. ബന്ധപ്പെട്ട യോഗ്യതയുള്ളവർക്ക് അഭിമുഖത്തിലൂടെ നിയമനം നേടാം. ജൂൺ 4, 5 തീയതികളിൽ ആണ് അഭിമുഖം നടക്കുന്നത്.

ഒഴിവുകളും അഭിമുഖം നടക്കുന്ന തീയതിയും

1. ക്ലർക്ക് (ഹൈസ്കൂൾ സെക്ഷൻ) – 1 ഒഴിവ്

• വിദ്യാഭ്യാസ യോഗ്യത: എസ്.എസ്.എൽ.സി (SSLC) അല്ലെങ്കിൽ തത്തുല്യം.

• ഇന്റർവ്യൂ തീയതി: 2026 ജൂൺ 4

• സമയം: സർട്ടിഫിക്കറ്റ് പരിശോധന രാവിലെ 8:30-ന് ആരംഭിക്കും. ഇന്റർവ്യൂ രാവിലെ 10:00 മണിക്ക്.

2. HSST (കൊമേഴ്സ്, സോഷ്യോളജി, സുവോളജി) – ഓരോ ഒഴിവുകൾ വീതം

• വിദ്യാഭ്യാസ യോഗ്യത: ബന്ധപ്പെട്ട വിഷയത്തിൽ പോസ്റ്റ് ഗ്രാജ്വേഷൻ (Masters Degree), ബി.എഡ് (B.Ed), സെറ്റ് (SET) വിജയം.

• ഇന്റർവ്യൂ തീയതി: 2026 ജൂൺ 5

• സമയം: സർട്ടിഫിക്കറ്റ് പരിശോധന രാവിലെ 8:30-ന്. ഇന്റർവ്യൂ രാവിലെ 10:30 മണിക്ക്.

3. HSST (ഇക്കണോമിക്സ്) – 1 ഒഴിവ്

• വിദ്യാഭ്യാസ യോഗ്യത: ഇക്കണോമിക്സിൽ പോസ്റ്റ് ഗ്രാജ്വേഷൻ (Masters Degree), ബി.എഡ് (B.Ed), സെറ്റ് (SET) വിജയം.

• ഇന്റർവ്യൂ തീയതി: 2026 ജൂൺ 5

• സമയം: സർട്ടിഫിക്കറ്റ് പരിശോധന ഉച്ചയ്ക്ക് 1:00 മണിക്ക്. ഇന്റർവ്യൂ ഉച്ചയ്ക്ക് 2:30-ന്.

ശ്രദ്ധിക്കേണ്ട കാര്യങ്ങൾ

• വയസ്സ്, ശമ്പളം എന്നിവ സർക്കാർ ഉത്തരവുകൾക്ക് വിധേയമായിരിക്കും.

• ഉദ്യോഗാർത്ഥികൾ ബയോഡാറ്റ, യോഗ്യത തെളിയിക്കുന്ന സർട്ടിഫിക്കറ്റുകളുടെയും മാർക്ക് ലിസ്റ്റുകളുടെയും അസ്സലും (Original) പകർപ്പും (Copy) സഹിതം നിശ്ചിത സമയത്ത് ദേവസ്വം ഓഫീസിൽ നേരിട്ട് ഹാജരാകേണ്ടതാണ്.

• കൂടുതൽ വിവരങ്ങൾക്ക് ഓഫീസ് സമയങ്ങളിൽ 0487-2554815, 0487-2556335 (Extn.- 251, 248, 235) എന്നീ നമ്പറുകളിൽ ബന്ധപ്പെടാം.

അഭിമുഖം നടക്കുന്ന സ്ഥലം:

ഗുരുവായൂർ ദേവസ്വം ഓഫീസ് ശ്രീ പത്മം ബിൽഡിംഗ് തെക്കേനട, ഗുരുവായൂർ.