കേന്ദ്ര കുടുംബക്ഷേമ മന്ത്രാലയത്തിന് കീഴിലുള്ള പൊതുമേഖലാ സ്ഥാപനമായ എച്ച്എൽഎൽ ലൈഫ്കെയർ ലിമിറ്റഡ് പ്രോക്യൂർമെന്റ് അസിസ്റ്റന്റ് തസ്തികയിലേക്ക് അപേക്ഷ ക്ഷണിച്ചു. ബന്ധപ്പെട്ട വിഷയത്തിൽ ബിരുദവും പ്രവൃത്തി പരിചയവും ആവശ്യമാണ്. ആകെ 5 ഒഴിവുകളാണ് റിപ്പോർട്ട് ചെയ്തിരിക്കുന്നത്. അപേക്ഷ സമർപ്പിക്കാനുള്ള അവസാന തീയതി ജൂൺ 3.
ഡിഗ്രി/ഡി ഫാം/ ബിഫാം എന്നി യോഗ്യത ഉള്ളവർക്ക് അപേക്ഷിക്കാം.
ഫാർമസി ചെയിൻ / ഫാർമസി പ്രോക്യൂർമെന്റ് മേഖലയിൽ അല്ലെങ്കിൽ പ്രശസ്ത സ്ഥാപനങ്ങളിലെ ഫാർമസിയിൽ കുറഞ്ഞത് 2 വർഷത്തെ പ്രവൃത്തി പരിചയം വേണം.
2026 മേയ് 1-നനുസരിച്ച് പരമാവധി 37 വയസ്.
അടിസ്ഥാന ശമ്പള പരിധി 10,000 മുതൽ 20,000 രൂപ വരെയാണ്.
ഈ തസ്തികയിൽ പ്രധാനമായും മരുന്നുകളുടെ ചേരുവകൾ ഒത്തുനോക്കൽ, വിതരണക്കാരുടെ (Vendors) രജിസ്ട്രേഷൻ രേഖകൾ പരിശോധിച്ച് ഉറപ്പു വരുത്തൽ, കുറഞ്ഞ നിരക്കുകൾ കണ്ടെത്താനായി ടെൻഡർ വിലകൾ താരതമ്യം ചെയ്യൽ (Price Bid Comparison) എന്നീ ചുമതലകളാണ് നിർവ്വഹിക്കേണ്ടത്.
കൂടാതെ, വെണ്ടർ രജിസ്ട്രേഷൻ നടപടികളിൽ സഹായിക്കുകയും നിശ്ചിത കാലയളവിലേക്കുള്ള റേറ്റ് കോൺട്രാക്ട് (Rate Contract) കരാറുകൾ തയ്യാറാക്കുകയും വേണം. മുകളിൽ പറഞ്ഞ ജോലികൾ കൃത്യമായി ചെയ്യുന്നതിനും ഡാറ്റകൾ കൈകാര്യം ചെയ്യുന്നതിനും മികച്ച കംപ്യുട്ടർ പരിജ്ഞാനം ഈ ജോലിക്ക് അത്യാവശ്യമാണ്.
കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.
https://www.lifecarehll.com/file/download/reference/66a1942cfad91ff0ee99daf86e674d55hYSEgXs
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
