ICSIL: നഴ്സിംഗ് ഓഫീസർ നിയമനം നേടാം,ശമ്പളം 70000 രൂപയ്ക്ക് മുകളിൽ

ഇന്റലിജന്റ് കമ്മ്യൂണിക്കേഷൻ സിസ്റ്റംസ് ഇന്ത്യ ലിമിറ്റഡ് (ICSIL) ഡൽഹി നഴ്സിംഗ് ഓഫീസർ തസ്തികയിൽ നിയമനം നടത്തുന്നു. ആകെ 65 ഒഴിവുകളാണ് ഉള്ളത്. കരാർ അടിസ്ഥാനത്തിലായിരിക്കും നിയമനം. അപേക്ഷകൾ ജൂൺ 20 മുതൽ ജൂൺ 23 വരെ സമർപ്പിക്കാം. തെരഞ്ഞെടുക്കപ്പെടുന്ന ഉദ്യോഗാർഥികൾക്ക് മാസശമ്പളമായി 70,942 രൂപ ലഭിക്കും.

യോഗ്യതകൾ

• വിദ്യാഭ്യാസ യോഗ്യത: അംഗീകൃത സ്ഥാപനത്തിൽ നിന്നുള്ള B.Sc. Nursing അല്ലെങ്കിൽ GNM പാസായിരിക്കണം.

• അടിസ്ഥാനപരമായ കംപ്യുട്ടർ അറിവ് ആവശ്യമാണ്.

• പ്രായപരിധി: പരമാവധി 35 വയസ്

• പ്രവൃത്തി പരിചയം: നഴ്സിംഗ് ഓഫീസർ ആയി കുറഞ്ഞത് 5 വർഷത്തെ പരിചയം നിർബന്ധമാണ്

• ജോയിനിംഗ് സമയത്ത് ഡൽഹി നഴ്സിംഗ് കൌൺസിൽ രജിസ്ട്രേഷൻ ഉണ്ടായിരിക്കണം

തെരഞ്ഞെടുപ്പ് പ്രക്രിയ

നഴ്സിംഗ് ഓഫീസർ തസ്തികയുടെ തെരഞ്ഞെടുപ്പ് രണ്ട് ഘട്ടങ്ങളിലായി നടക്കുന്നു. ആദ്യ ഘട്ടത്തിൽ ഉദ്യോഗാർഥികളുടെ പ്രായം, യോഗ്യത, പ്രവൃത്തി പരിചയം എന്നിവ പരിശോധിച്ച് ഷോർട്ട്‌ലിസ്റ്റ് ചെയ്യും. അപേക്ഷകരുടെ എണ്ണം കൂടുതലായാൽ, യോഗ്യരായവരെ തെരഞ്ഞെടുക്കാൻ ICSIL ആവശ്യമായ അധിക മാനദണ്ഡങ്ങൾ ഉപയോഗിക്കാം.

രണ്ടാം ഘട്ടത്തിൽ ഷോർട്ട്‌ലിസ്റ്റ് ചെയ്ത ഉദ്യോഗാർത്ഥികളെ ഇന്റർവ്യൂ അല്ലെങ്കിൽ ഡിപ്പാർട്ട്‌മെന്റുമായി ഇന്ററാക്ഷന് വിളിക്കും. ചില സാഹചര്യങ്ങളിൽ സ്കിൽ ടെസ്റ്റ് അല്ലെങ്കിൽ എഴുത്ത് പരീക്ഷയും ഉണ്ടായേക്കാം. ഇതിന് ശേഷമാകും അന്തിമ പട്ടിക പ്രസിദ്ധീകരിക്കുക.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://icsil.in/app/uploads/advertisement/RGSSH_NURSING_OFFICER_ONLINE_ADVT__JUNE_2026.pdf