സൗജന്യമായി നഴ്സിംഗ് പഠിക്കാം, ഇന്ത്യൻ സൈന്യത്തിൽ ജോലി നേടാം; പ്ലസ് ടു യോഗ്യത

ഇന്ത്യൻ സൈന്യത്തിന്റെ മെഡിക്കൽ വിഭാഗത്തിൽ ജോലി നേടാൻ ആഗ്രഹിക്കുന്ന വനിതകൾക്ക് മികച്ച അവസരം. ആംഡ് ഫോഴ്സസ് മെഡിക്കൽ സർവീസസിന് കീഴിലുള്ള മെഡിക്കൽ കോളേജുകളിലെ 2026ലെ നഴ്സിംഗ് പ്രവേശനത്തിനുള്ള വിജ്ഞാപനം ഉടൻ പ്രസിദ്ധീകരിക്കും. ഡയറക്ടറേറ്റ് ജനറൽ ഓഫ് മെഡിക്കൽ സർവീസസ് (DGMS) നടത്തുന്ന നാല് വർഷത്തെ ബി.എസ്.സി നഴ്സിങ് കോഴ്സിലേക്കാണ് പ്രവേശനം.

കോഴ്സ് വിജയകരമായി പൂർത്തിയാക്കുന്നവർക്ക് ഇന്ത്യൻ സൈന്യത്തിന്റെ മെഡിക്കൽ സ്ഥാപനങ്ങളിൽ സേവനമനുഷ്ഠിക്കാനുള്ള അവസരവും ലഭിക്കും.

പ്രധാന വിവരങ്ങൾ

• നാല് വർഷത്തെ ബി.എസ്.സി നഴ്സിംഗ് കോഴ്‌സ്.

• ഇന്ത്യൻ പൗരന്മാരായ അവിവാഹിതരായ/വിവാഹമോചിതരായ/നിയമപരമായി വേർപിരിഞ്ഞ/വിധവകളായ സ്ത്രീകൾക്ക് മാത്രമാണ് അപേക്ഷിക്കാൻ അർഹതയുള്ളത്.

• ആകെ 220 സീറ്റുകളിലാണ് പ്രവേശനം നടത്തുന്നത്

യോഗ്യത

• ഫിസിക്സ്, കെമിസ്ട്രി, ബയോളജി, ഇംഗ്ലീഷ് വിഷയങ്ങൾക്ക് കുറഞ്ഞത് 50% മാർക്കോടെ പ്ലസ് ടു പാസ്സായിരിക്കണം.

• ആദ്യ ശ്രമത്തിൽ തന്നെ പ്ലസ് ടു വിജയിച്ചിരിക്കണം

• അവസാന വർഷ പരീക്ഷ എഴുതുന്നവർക്കും താത്കാലികമായി അപേക്ഷിക്കാം.

• അപേക്ഷിക്കുന്നതിന് മുൻപായി നീറ്റ് (NEET) പരീക്ഷ എഴുതുകയും യോഗ്യത നേടുകയും ചെയ്തിരിക്കണം.

• 2001 ഒക്ടോബർ 1 മുതൽ 2009 സെപ്റ്റംബർ 30 വരെ ജനിച്ചവർക്ക് അപേക്ഷിക്കാം.

തെരഞ്ഞെടുപ്പ് പ്രക്രിയ

• ആദ്യം നീറ്റ് സ്കോറിന്റെ അടിസ്ഥാനത്തിൽ ഉദ്യോഗാർഥികളെ ഷോർട്ട്‌ലിസ്റ്റ് ചെയ്യും.

• തുടർന്ന് ജനറൽ ഇന്റലിജൻസ്, ജനറൽ ഇംഗ്ലീഷ് വിഷയങ്ങളിലുള്ള കംപ്യൂട്ടർ അധിഷ്ഠിത പരീക്ഷ (CBT) നടത്തും.

• ഇതിന് ശേഷം സൈക്കോളജിക്കൽ ആപ്റ്റിറ്റ്യൂഡ് ടെസ്റ്റും (PAT) വ്യക്തിഗത അഭിമുഖവും നടക്കും.

• അവസാന ഘട്ടമായി മെഡിക്കൽ പരിശോധനയും ഉണ്ടായിരിക്കും.

• എല്ലാ ഘട്ടങ്ങളും വിജയകരമായി പൂർത്തിയാക്കുന്നവർക്കാണ് പ്രവേശനം ലഭിക്കുക.

അപേക്ഷാഫീസ്

• ജനറൽ വിഭാഗം – 200 രൂപ

• എസ്.സി/എസ്.ടി വിഭാഗം – ഫീസില്ല

• ഫീസ് അടച്ചതിന് ശേഷം ലഭിക്കുന്ന രജിസ്ട്രേഷൻ നമ്പർ സൂക്ഷിക്കണം.

സീറ്റുകളുടെ എണ്ണം

• പൂനെ (AFMC) – 40

• മുംബൈ (INHS അശ്വിനി) – 40

• ലഖ്‌നൗ – 40

• ബംഗളൂരു – 40

• കൊൽക്കത്ത – 30

• ന്യൂഡൽഹി – 30

ആകെ സീറ്റുകൾ – 220

പ്രതീക്ഷിക്കുന്ന തീയതികൾ

• ഇന്ത്യൻ ആർമി ബി.എസ്.സി നഴ്സിങ് വിജ്ഞാപനം – ജൂലൈ 2026

• ഓൺലൈൻ അപേക്ഷ ആരംഭം – ജൂലൈ/ഓഗസ്റ്റ് 2026

• അപേക്ഷ സമർപ്പിക്കാനുള്ള അവസാന തീയതി – ഓഗസ്റ്റ് 2026

• ഷോർട്ട്‌ലിസ്റ്റ് പ്രസിദ്ധീകരണം – സെപ്റ്റംബർ 2026

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

അപേക്ഷകൾ സമർപ്പിക്കുന്നതിനും ഔദ്യോഗിക വിവരങ്ങൾക്കും joinindianarmy.nic.in എന്ന വെബ്സൈറ്റ് സന്ദർശിക്കുക