ഇന്ത്യൻ ബഹിരാകാശ ഗവേഷണ സ്ഥാപനമായ (ISRO) ബംഗളൂരുവിലെ യു.ആർ. റാവു സാറ്റലൈറ്റ് സെന്ററിൽ (URSC) ജൂനിയർ റിസർച്ച് ഫെല്ലോ (JRF) തസ്തികകളിലേക്ക് അപേക്ഷ ക്ഷണിച്ചു. ആകെ 17 ഒഴിവുകളാണ് ഉള്ളത്. എഞ്ചിനീയറിംഗ്, സയൻസ് മേഖലകളിലായാണ് ഒഴിവുകൾ ഉള്ളത്. ഓൺലൈനായി ജൂലൈ 11 വരെ അപേക്ഷ സമർപ്പിക്കാം.
ആകെ 17 ഒഴിവുകളാണ് ഉള്ളത്. ഇലക്ട്രോണിക്സ്, കംപ്യുട്ടർ സയൻസ്, ഇൻഫർമേഷൻ ടെക്നോളജി, പവർ ഇലക്ട്രോണിക്സ്, ഡിജിറ്റൽ ഇലക്ട്രോണിക്സ്, മൈക്രോ ഇലക്ട്രോണിക്സ്, സിഗ്നൽ പ്രോസസിംഗ്, എംബെഡഡ് സിസ്റ്റംസ്, ഒപ്റ്റിക്കൽ എഞ്ചിനീയറിംഗ്, അപ്ലൈഡ് ഫിസിക്സ്, മെറ്റീരിയൽ സയൻസ്, മാത്തമാറ്റിക്സ്, എയ്റോസ്പേസ്, തെർമൽ എഞ്ചിനീയറിംഗ്, മെക്കാനിക്കൽ എഞ്ചിനീയറിംഗ്, മെഷീൻ ഡിസൈൻ തുടങ്ങിയ എഞ്ചിനീയറിംഗ്, സയൻസ് മേഖലകളിലായാണ് ഒഴിവുകൾ.
ബന്ധപ്പെട്ട വിഷയങ്ങളിൽ M.E/M.Tech/M.Sc (Engg) അല്ലെങ്കിൽ M.Sc യോഗ്യത ഉണ്ടായിരിക്കണം.
ഫസ്റ്റ് ക്ലാസ് യോഗ്യതയും നിശ്ചിത കുറഞ്ഞ മാർക്കും ആവശ്യമാണ്.
CSIR-UGC NET, GATE, JAM, JEST അല്ലെങ്കിൽ കേന്ദ്ര സർക്കാർ അംഗീകൃത സമാന ദേശീയതല പരീക്ഷകളിൽ യോഗ്യത നേടിയിരിക്കണം.
അവസാന വർഷ ഫലം കാത്തിരിക്കുന്നവർക്ക് അപേക്ഷിക്കാൻ കഴിയില്ല.
2026 ജൂലൈ 11 പ്രകാരം പരമാവധി പ്രായം 28 വയസ്. എസ്.സി/എസ്.ടി വിഭാഗക്കാർക്ക് 5 വർഷവും ഒ.ബി.സി വിഭാഗക്കാർക്ക് 3 വർഷവും പ്രായ ഇളവ് ലഭിക്കും.
ലഭിക്കുന്ന അപേക്ഷകളുടെ അടിസ്ഥാനത്തിൽ യോഗ്യത, മാർക്ക്, ദേശീയതല യോഗ്യതാ പരീക്ഷകളിലെ (NET/GATE/JAM/JEST തുടങ്ങിയവ) പ്രകടനം എന്നിവ പരിഗണിച്ച് ഉദ്യോഗാർഥികളെ ഷോർട്ട് ലിസ്റ്റ് ചെയ്യും.
ഷോർട്ട് ലിസ്റ്റ് ചെയ്യുന്ന ഉദ്യോഗാർഥികളെ ബംഗളൂരുവിലെ യു.ആർ. റാവു സാറ്റലൈറ്റ് സെന്ററിൽ (URSC) നടത്തുന്ന അഭിമുഖത്തിന് ക്ഷണിക്കും. അഭിമുഖത്തിലെ പ്രകടനത്തിന്റെ അടിസ്ഥാനത്തിലായിരിക്കും അന്തിമ തെരഞ്ഞെടുപ്പ്.
കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
